دوارۆژ، عیسا عەبدولقەهار:
بەرێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاوی هەرێمی کوردستان ڕایگەیاند، بەهۆی قەیرانی داراییەوە زۆربەی کارگە پەلەوەریەکان داخراون.
سامان محەمەد، بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاوی هەرێم بە دوارۆژی ڕاگەیاند: ئاماری دروستمان لەبەردەست نییە، بەڵام زۆربەی کارگە پەلەوەرەکانی هەرێمی کوردستان داخراون.
بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاوی هەرێم باسی لەوەشکرد: 1264پڕۆژەی پەلەوەریمان هەیە و دابەشبوونە بەسەر هەرسێ پارێزگای هەرێم و ئیدارەی گەرمیان، ئەو کارگە پەلەوەرییانە لەکاتی ئاسایی کە کێشە و قەیرانی دارایی نەبوون تەنها 60% تاکو 70% کاریان کرد، بەڵام دوای دروستبوونی قەیرانی دارایی هەرێم زۆربەی کارگەکانی پەلەوەر داخران.
بەهۆیی ئەو قەیرانە داراییەی کە ماوەی زیاتر لە دوو ساڵە ڕوی لە هەرێمی کوردستان کردووە بەشێکی زۆر لە کارگە و جێگەکانی تایبەت بە وەبەرهینان داخراون و داخستنی کێڵگەکانی بەخێوکردنی مریشکیش هەر لەو بوارەدایە، و لەئەگەری بەردەوامبوونی دۆخەکەدا مەترسی دووبارە بەرزبوونەوەی نرخی مریشی زیندوی خۆماڵی دەکرێت.
03-02-2016
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,710 times
Write your comment about this item!