لەساڵی 1964 لەگەرەکی مەڵکەندی #سلێمانی# هاتۆتە دنیاوە. ساڵی 1981 بۆتە پێشمەرگەو بەشداری چەندین نەبەردوو پێکدادانی سەربازی کردووەو چەندینجاریش بەسەختی برینداربووە. تا ڕاپەرینی 1991 بەردەوام و بەبێ پچران پیشمەرگە بووە. لەدوای ڕاپەرین سەرگەرمی کارکردن و دابینکردنی بژێوی ژیانی بووە، ئەمە جگەلەوەی کە ئاکۆ ڕەش دەنگی خۆش و پر لەغوربەتی هەبوو، لەئاواز دانانیشدا دەستێکی باڵای هەبوو، ئاوازی بۆ گۆرانی چەند گۆرانیبێژێک داناوە لەوانە: جەمال شەریف، کامەران عومەر، سامان عومەرو چەند گۆرانیبێژێکی دیکە کە تائێستا تۆمارنەکراون. جگەلەوانەش چەندین شیعری سۆفیگەریشی نووسیوەو ئاوازی بۆ داناون، کاتی خۆی بەنیازبوو چەند گۆرانییەک تۆماربکات و وەک یەکەم بەرهەمی بیخاتە بازارەوە، بەڵام هونەرمەندێک بێزاریدەکات و ئیتر سوێند دەخوات نەچێتەوە بەلای هونەردا.
لەساڵانی 1977-1979 باشترین یاریزانی هەڵبژاردەی لاوانی سلێمانی بووەو لەتۆپی پێ، تۆپی دەست، سێباز، چەندین خەڵاتی ڕێزلێنانی وەرگرتووە.
ئاکۆ هەرگیز خۆشەویستی نەکردووەو بە بەردەوامیش بەتایبەتی لەدوای ڕاپەرین هەمیشە بەگۆشەگیری و تەنیایی و بێدەنگی ژیانی دەبردەسەر.
20-10-2006، پێشمەرگەی دێرین و هونەرمەندو ئاوازدانەر بەهۆی نەخۆشی لەشاری سلێمانی گیانی بەخشی.
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,866 times
Write your comment about this item!