ساڵی1959 لەدایکبووە، لە 1979 پەیوەندی بەڕێکخستنەکانی کۆڕەکەوە کردوو، دوای تەواوکردنی پەیمانگای مامۆستایان لە 1982 بۆتە پێشمەرگە لەتیپی 86ی دەشتی #هەولێر# بەبێ دابڕان، پلەکانی کادیریی بڕیووە ولە 1990 بۆتە ڕابەر سیاسی بەتالیۆنی 8 لەنۆکان.
تاهیر بەکر ئەو شاسوارەی ڕێی ئازادی، ئەو پێشمەرگە خۆڕاگرەی کە ئەنفال و شکستەکان نەک نەیانبەزاند، بەڵکو سورتریان کرد لەتێکۆشان و کۆڵنەدان، ئەو مامۆستا دڵسۆزەی هەمیشە ڕێنیشاندەری هاوڕێکانی بوو بۆ خۆگۆشکردن بەبیرو ڕەفتاری چاک، جگە لەهەڵگرتنی چەکی پێشمەرگایەتی، هەڵگرتنی چەکی زانست و قەڵەمیشی بەپێویست دەزانی، بۆیە لەگەڵ ئەرکی پێشمەرگانە شەونخونی بەدیار وشەوە دەکێشا، بۆئەوەی لەسەنگەری زانستیش ڕۆڵی دڵسۆزانە ببینێ و وشەی کوردی لەدڵی نەوەی نوێ خۆشەویستتر بکات و دیرۆکی شۆڕش و ستەمەکانی داگیرکەرانیان پێ ئاشنابکات.
دوانامە:
پێش ڕاپەرین پارتیزان بووەو دواتریش جگە لەکاری سیاسی ناو هێزی پێشمەرگە، لەخوێندن بەردەوام دەبێ و کۆلێژی زمان تەواودەکات و بەردەوام دەبێ تا بەسەرکەوتوویی بڕوانامەی ماستەریش بەدەستدەهێنێ، هاوکات هەم خوێندکارو هەم مامۆستا دەبێت لەزانکۆکانی #سلێمانی# و کۆیە، بەداخەوە لەدوا قۆناغی نوسینی نامەی دکتۆراکەی و لەشەوی 23\24-08-2005 لێمان دابڕا، بەلام بوو بەمێژوویەکی گەش و پڕشنگدار. هەزار سلاو لەگیانی پاکی.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,298 times