کۆمەڵێک نووسەر
سەرپەرشتیاری پڕۆژە:
ئەنوەر حسێن - لوقمان ڕەئوف
ئاشنابوون بە ئەرستۆ
ئەرستۆ لەوانەیە یەکەمین و گەورەترین بیرمەندی هەمەلایەنە بێت، وەکو چۆن بەناوبانگە لەبارەی هەموو شتێک، لەشێوەکانی سەدەفەوە بگرە، تا نەزۆکی، لەتێڕامانە تیۆریەکانی لەمەڕ ماهیەتی ڕۆحەوە بگرە تا کەشناسی، شیعر و هونەر و تەنانەت لەبارەی شیکردنەوەی خەون، بابەت و وتاری نوسیوە. گووتراوە کە ئەرستۆ هەر وشەیەک لەزانست کەپەنجەی خستبێتە سەر گۆڕانی تێداکرد (جگە لەبیرکاری کەتیایدا ئەفلاتون و بیرکردنەوەی ئەفلاتون هەروا باڵادەستی خۆی پاراست)، بەڵام لەمانە هەمووی گرنگتر ئەرستۆ بەدامەزرێنەری لۆژیک دەژمێردرێ .
کاتێ کەئەو بۆ یەکەمینجار زانستی مرۆڤایەتی سەردەمی خۆی لەکایە و بوارە جیاوازەکاندا پۆلێن کرد، ئەو تواناو قابلیەتەی بەدرک و تێگەیشتنی ئێمە، سەبارەت بەجیهان بەخشی، کەبەشێوەیەکی سیستماتیکیانە پەرەبسەنێ و پێبگات، بەڵام لەسەدەکانی دوایدا زانست و زانیاری ئێمە، تا ئەو ڕادەیە پەرەیسەند، کەهەر ئەو پۆلێنبەندیە خۆی گۆڕاو بوو بەکۆسپ و بەربەستێکی ڕاستەقینە لەسەرڕێی پێشکەوتنی زانست. پێشکەوتنی زانست لەوجۆرە سیستمە هزریانەدا، تەنها لەو ڕێگاو ڕێبازانە کەپێشتر دیاریکراون، مەیسەربوون. ڕێگاو ڕێبازگەلێک کەزۆریان ڕووبەڕووی نەمان و لەنێوچوونی پلە بەپلە دابوون. شێوازو ڕێبازێکی لەبناغە و بنچینە جیاواز، پێویست بوو. ئەنجامی ئەو شێوازو ڕێبازە فەزای هاوچەرخی زانستی نوێیە.
ئەو ڕاستیەی کەزیاتر لەبیست سەدە درێژەی کێشا، تا ئێمە پیمان بەو سنوربەندیانەی بیرکردنەوەی ئەرستۆ برد، تەنیا نیشاندەری داهێنان و ئەفراندنەکانی ئەوە. لەگەڵ ئەوەشدا تەنانەت بەسەرچوونی بیرکردنەوەی ئەرستۆیی، خۆی پرسیارگەلێکی زۆری فەلسەفی وروژاندووە. هێشتا چ ئەندازەیەک سنووربەندی تری لەو جۆرە لەشێوازی بیرکردنەوەی ئێمەدا هەن، کە دەبێ لەسەریان ڕابوەستین و هەڵوێستیان لەبارەوە وەربگرین؟ کەم و کورتیەکانی لەوجۆرە لەشێوازی بیرکردنەوەی ئێمەدا، تاڕادەیەک مەترسیدارن و ئەو سنووربەندی و کەم و کورتیانە بەڕاستی ئێمە لەزانین و تێگەیشتنی چ شتگەلێک پەک دەخەن؟
Read the book: ئاشنابوون بە ئەرستۆ
Total download:
2,473 times
We kindly ask all writers, translators and publishers to inform us if they are not in agreement to have their books downloaded from Kurdipedia server.
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 8,493 times
Write your comment about this item!