دواڕۆژ، کۆچەر عەلی
ئەمڕۆ دووشەممە 10ی تشرینی یەکەمی 2016 بەهۆی پابەندنەبوونیان بە ڕێماییە تەندروستی و ژینگەییەکان پەنجا دوکانی فرۆشتنی کەلوپەلی خۆراک و سەوزەو میوە لە هەولێر داخران و بە بڕی"یەک ملیۆن دیناریش خاوەن دوکانەکان سزا دراون.
فەخرەدین بەهائەدین، ئەندامی لیژنەی بەدواداچوون و چاودێری بازاڕ بە دواڕۆژی ڕاگەیاند، بەهۆی بەسەرچوونی کەلوپەلی خۆراک و پابەندنەبوون بە ڕێنماییە تەندروستی و ژینگەییەکان ئەمڕۆ لە هەولێر (50) دوکانی فرۆشتنی کەلوپەلی خۆراک و سەوزەو میوە داخران.
وتیشی"ئەو دوکانانە لەگەڵ ئەوەی بۆ ماوەی سێ ڕۆژ دادەخرێن هەر یەکەشیان بە بڕی "یەک ملیۆن دینار سزا دراون".
فەخرەدین بەهائەدین، ئەوەشی خستەڕوو، پێشکردنەوەی دوکانەکانیان قایمقامی ناوەندی هەولێر بەڵێن لە خاوەن دوکانەکان وەر دەگرێت بۆئەوەی بەپێی ڕێنماییەکان کاری خۆیان بکەن و دەبێت پاکوخاوێنی لە ئیشەکەیان بکەن، هەروەها ڕەچاوی تەندروستی و پاراستنی ژینگە بکەن ئەگەرنا ڕێگەیان پێنادرێت دوکانەکانیان بکەنەوە.
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 7,610 times
Write your comment about this item!