بەداخەوە ئاگادار بووین کاک #عەبدوڵرەزا کەریمی# ناسراو بە #ئەبوو کەریمی# ماڵئاوایی لە ژیان کردووە. کاک ئەبوو تێکۆشەرێکی دێرین خەباتکارێکی ئازادیخواز و ناسراوی ناو بزافی ڕزگاریخوازی کوردستانی ڕۆژهەڵات بوو. وەک کەسێکی چەپ و ئەندامی چریکە فیداییەکانی خەڵکی ئێران هەر لە سەرەتایی ڕاپەڕینی گەلانی ئێرانەوە لە گەڵ ڕابەری گیانبەختکردووی #کۆمەڵە# کاک #فۆئاد مستەفا سوڵتانی# و هەروەها کاک #عەبدوڵڵا موهتەدی# سکرتێری گشتی کۆمەڵە ئاشنا بوو و هاوڕێیەکی نزیکیان بوو. دواتریش لە ڕیزەکانی حیزبی دیمۆکراتی کوردستانی ئێراندا درێژەی بە کار و تێکۆشانی سیاسی خۆی داوە و ئەم پەیوەندییە و دۆستایەتییەی هەر بەردەوام بووە. شیاوی باسە کاک ئەبوو سیمایەکی سیاسی و ناسراوی ناوچەی #کرماشان#یش بوو. بێگومان مەرگی کاک ئەبوو ئێمەی خەمبار کردوو و هەروەها خەسارێکیشە بۆ بزووتنەوەی ڕزگاریخوازیمان، ئێمە بەم بۆنەوە سەرەخۆشی لە بنەماڵە و کەس و کار و هاوڕێیانی دەکەین.
سکرتارییەتی کۆمەڵەی شۆڕشگێڕی زەحمەتکێشانی کوردستانی ئێران
14-02-2017ی زاینیی
26ی ڕێبەندانی 1395ی هەتاوی
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 7,464 times
Write your comment about this item!