بەرپرسی نووسینگەی ڕزگارکردنی ڕفێندراوانی دەستی #داعش# ڕایگەیاند، ڕۆژی 6ی تەموزی 2017 توانیمان سێ کچی ئێزدی لە شاری #موسڵ# لە دەستی چەکدارانی داعش ڕزگار بکەین و ژمارەی ئەو کەسانەی تائێستا لە دەستی داعش ڕزگارکراون، بوونەتە 3050 کەس و زیاتر لە 3200 کەسیش ماون ڕزگاربکرێن.
#حسێن قائیدی#، بەرپرسی نووسینگەی ڕزاگرکردنی ڕفێندراوانی دەستی داعش بە دواڕۆژی ڕاگەیاند بە هەوڵ و ماندوبوونێکی زۆر توانیمان سێ کچی تری ئێزدی لە دەستی چەکدارانی داعش لە شاری موسڵ ڕزگاربکەین.
وتیشی زانیاریمان بە دەست گەیشتبوو هەرسێکیان خۆیان گەیاندبووە لای هێزەکانی پۆلیسی فیدراڵی لە لای ڕاستی شاری موسڵ و تەنسیقمان لەگەڵیان کرد ڕزگارمانکردن.
ئاماژەی بەوەشکرد تەمەنی یەکێکیان حەوت ساڵە و یەکێکی دیکەیان هەشت ساڵ بوو ئەوەی دیکەش تەمەنی 16 ساڵە و خەڵکی گوندی وەردە و کومەڵگەی خانەسۆربوون کە سەر بە قەزای #شنگال#ن.
ئەوەشی وت ژمارەی ئەو کەسانەی تائێستا لە دەستی چەکدارانی داعش ڕزگارکراون بوونەتە 3050 کەس و زیاتر لە 3200 کەسیش ماون و بەردەوام دەبین لە ڕزگارکردنی ئەوانەی ماون.
07-07-2017
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 7,713 times
Write your comment about this item!