وتەبێژی #وەزارەتی گواستنەوە و گەیاندن# ڕایگەیاند، زیاتر لە 45 کۆمپانیای لە بواری ئینتەرنێت لە هەرێمی کوردستان کاردەکەن و بەشێک له و داهاتەش بۆ حکومەتی هەرێمی کوردستان دەگەڕێتەوە.
بەپێی ئامارەکانی وەزارەتی گواستنەوە و گەیاندن لەئێستادا 45 کۆمپانیای بواری ئینتەرنێت لەهەر چوار پارێزگای هەرێمی کوردستان وەبەرهێنان لە بواری ئینتەرنێت کاردەکەن.
زۆربەی کۆمپانیاکانیش سیستەمی وای ماکس بەکاردەهێن لە کاتێکدا بەپێی ڕێنماییەکانی وەزارەتی گواستنەوە و گەیاندن کە لە ساڵی 2012 دەرچووە پێویستە لە مەودوا کۆمپانیاکانی بواری خزمەتگوزاری ئینتەرنێت کار بە سیستەمی LTE بکەن کە بە نەوەی چوارەم ناسراوە.
ئومێد محەمەد، وتەبێژی وەزارەتی گواستنەوە و گەیاندن بە دواڕۆژی ڕاگەیاند له و 45 کۆمپانیایەی کە لە بواری ئینتەرنێت کاردەکەن، بەشێکی داهاتەکەیان بۆ حکومەت دەگەڕێتەوە، لەوانە هێڵی ئینتەرنێتی ADSL کە لە ڕێگای تەلەفۆنی نۆرماڵ دەدرێتە ماڵان و، لە ڕێگای کۆمپانیای نۆرتێل لە هەولێر و دهۆک و کوردتیڵ لە سلێمانی دابیندەکرێت کە لە 28% داهاتەکەی بۆ حکومەت هەرێم دەبێت.
وتەبێژی وەزارەتی گواستنەوە و گەیاندن ئەوەشی خستەڕوو، گرانی نرخی ئینتەرنێت بۆ کۆمپانیاکانی دایک لەوانە نەورۆز تیلیکۆم لە هەولێر و تیشک نێت لە سلێمانی دەگەڕێتەوە، چونکە هەر کۆمپانیایەک بیەوێ لە بواری ئینتەرنێت کاربکات دەبێت ئینتەرنێت له و دوو کۆمپانیایە بکڕێت.
وتیشی بەهۆی زۆری ڕێژەی بەکارهێنانی ئینتەرنێت وا دەخەملێندرێت کە زیاتر لە دوو ملیۆن کەس لە هەرێمی کوردستان بە بەردەوامی هێڵی ئینتەرنێت بەکاربهێنن.
27-07-2017
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,980 times
Write your comment about this item!