سەرۆکی لیژنەی ئابووری و وەبەرهێنان لە پەرلەمانی عێراق ئاشکرایدەکات، ساڵانە عێراق بە بەهای 1.3 ملیار دۆلار ئاردی سپی هاوردەدەکات، لەکاتێکدا نرخەکەی لە ناوخۆدا زۆر لەوە کەمترە.
جواد بولانی، سەرۆکی لیژنەی ئابووری و بەرهێنان لە پەرلەمانی عێراق لەدیدارێکدا لەگەڵ ڕۆژنامەی حەیاتی لەندەنی ڕایگەیاند، تورکیا دوو کۆمپانیای گەورەی هاڕینی ئاردی لە شاری مێرسین دامەزراندوە و گەنمی ڕوسیا تەنی بە 100 دۆلار دەکڕێت و تەنی بە 600 دۆلار هەناردەی عێراق دەکات.
راشیگەیاند، گەندەڵی گەورە لە کڕینی دانەوێڵەی جوتیاراندا هەیە کە دەبێتەهۆی بەفیڕۆچوونی سامانی گشتی کە تیایدا وەزارەتی بازرگانی تەنها گەنمی پلە یەک وەردەگرێت، لەکاتێکدا جۆرەکەی زۆر خراپە و جیاوازی نرخی لەگەڵ پلەکانی دیکەدا زۆرە و بۆ تەنێک دەگاتە 400 دۆلار.
رونیشیکردۆتەوە، ساڵانە بازاڕەکانی عێراق پێویستی بە 2.5 ملیۆن تەن ئاردە کە بەهاکەی 1.25 ملیار دۆلارە.
31-07-2017
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,982 times
Write your comment about this item!