پاش سێ ساڵ لە هێرشی داعش بۆسەر #شنگال#، هێشتا نزیکەی 3 هەزار کەس لەسەر چیایەکە ڕۆژانە لە خێمەدا ژیان بەسەر دەبەن، کوردی ئێزدی تەنیا هیوایان گەڕانەوەی کچ و ژن و منداڵە ڕفێندراوەکانیانە.
هەر بە ئومێدی گەڕانەوەی ڕفێندراوەکان لەسەر چیای شنگال دەستیان بە چاندنی کشتوکاڵ کردووە و چیاکەیان سەوز کردووە، منداڵانی سەرچیاکە سەرەڕای گەرمای هاوین و سەرمای زستان، بەڵام لە خوێندن دوور نەکەوتوونەتەوە و بەردەوامن لە خوێندن.
ئەوانەی لەسەر چیای شنگالن، ئامانجیان نییە بەمزووانە ئەوێ جێبهێڵن، بۆیە لەچاوەڕوانی گەڕانەوەی کەس و کارە ونبووەکانیان، دەستیانکردووە بە شینایی کردن.
ئەوەی ئاشنای چیای شنگال نەبووبێت نازانێت سێ ساڵ لەمەوبەر ئەم شوێنە وشک و دوورە ئاوایی بووە، دەیان منداڵ دوای 3ی ئابی 2014 هەر لەسەر چیاکە لە دایکبوون، ئێستا نەوەیەکی نوێ دەرکەوتوون و دەیان هیوا و ئاوات بەچاوەکانیانەوە دیارە.
رۆژی 3ی ئابی 2014 داعش هەڵیکوتایە سەر قەزای شنگال و هەزاران کەسی لە ناوچەکە دەربەدەرکرد، سەدان کەس لەسەر چیای شنگال لەبرسان گیانیان لەدەستدا و تاوەکو ئێستاش سەدان کچ و ژنی ئێزدی لە دەستی داعشدا ماون.
03-08-2017
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,364 times
Write your comment about this item!