بە پێی ڕاپۆرتێک کە بە #کۆمەڵەی مافی مرۆڤی کوردستان# گەیشتوە، ئەمڕۆ 22ی گەلاوێژی 1396ی هەتاوی جارێکیتر ئاگر بەردراوەتە جەستەی دار و دەوەنەکانی شاهۆ و دەروبەری.
بە پێی هەواڵەکە لە دوای هەڵمەتە جەماوەرییەکەی چەند ڕۆژ بەرێی خەڵکانی خۆبەخشی شارەکانی دێولان و #سنە# و #مەریوان# بە دەسپێشخەری هاووڵاتیانی شاری کامێران لە ڕۆژهەڵاتی کوردستان، ئەمڕۆ دیسانەکە سپای پاسدارانی کۆماری ئیسلامی لە پارێزگای سنە بە بیانوی مانۆڕی سەربازی و تۆپبارانکردنی قەد و بنپاڵ کێوی شاهۆ و کوێستانەکانی دەروبەری ئاگرێکی بێ ئامانیان بەرداوەتە جەستەی دار بەڕۆ، پوش و پوار و ژینگەی ئەو دەڤەرە.
بە گوێرەی هەمان سەرچاوە خەڵکی سڤیل و ژینگەپارێزان دیسان بە کەمترین کەرەستەو و پێداویستیی ئاگرکوژێنەوە، بەڕێکەوتوون بۆ کوژانەوە ئاگرەکە داوایان لە خەڵک کردوە با هانای شاهۆ وە بچن.
شایانی باسە شاهۆ و کوێستانەکانی ناوبەر مەریوان و سنە و کامێران بەشێکی سەرەکی سەرچاوە ئاوی ڕووباری سیروانن و کۆماری ئیسلامی بە لێدانی بەنداوگەلێک وەک بەنداوی “داریان “دەیەوێت ئەو ئاوانە ڕاگوێزی ناوچە ناوەندییەکانی ئێران بکات و بە سوتانی دارستانەکان و ژینگەی ئەودەڤەرە بیانکات بە بیاوان و سەوزایی هەورامان بگوازێتەوە بۆ دەشت و بیاوانەکانی ناوەندی ئێران
کۆمەڵەی مافی مرۆڤی کوردستان
13-08-2017
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,508 times
Write your comment about this item!