جارێکیتر لە #کەرکووک# دیاردەی دزینی ئۆتۆمبێل سەریهەڵداوەتەوە، پۆلیسیش دەڵێت هیچ زانیارییەکمان لەسەر باندەکان نییە.
بەپێی ئەو ئامارەی دەستی دواڕۆژ کەوتووە، تەنها لەماوەی 20 ڕۆژی ڕابردوودا دزینی 15 ئۆتۆمبێلی جۆراوجۆر لەناو کەرکووک لەلایەن پۆلیسی نەهێشتنی تاوانەوە تۆمارکراون.
عەقید #ئەفراسیاو کامیل#، وتەبێژی بەڕێوەبەرایەتی پۆلیسی کەرکووک زیادبوونی حاڵەتەکانی دزینی ئۆتۆمبێلی بۆ دواڕۆژ پشتڕاستکردەوە و وتی لەم ماوەیەدا ژمارەیەک ئۆتۆمبێل دزراون کە دوایین حاڵەتیان هەینی بووەو ئۆتۆمبێلێکی جۆری تۆیۆتا پیکاب جۆری نوێ لە نێو گەراجێکی بازاڕی گەورەی کەرکووک دزراوە.
وتیشی لەسەر دزینی ئەو ئۆتۆمبێلانە هیچ کەسێک دەستگیرنەکراوەو بەو هۆیەوە نەمانتوانیوە هیچ زانیارییەک لەبارەی ئەو گروپانەوە کۆبکەینەوە.
بەوتەی وتەبێژی پۆلیس، باندەکان دوو جۆرن بەشێکیان تایبەت بەدزینی ئۆتۆمبێلی نوێ و بەشەکەی دیکەشیان ئۆتۆمبێلی کۆن دەدزن.[1]
ماڵپەڕی دواڕۆژ: 13-08-2017
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,491 times
Write your comment about this item!