بەبۆنەی کۆچی دواییی ڕۆژنامەوان و فۆتۆگرافەری ناوداری فەڕەنسا و دۆستی گەلی کورد #کریس کۆچێرا#وه، پرسه و سەرەخۆشیی ئاراستەی خانەواده و کەسوکار و دۆستانی دەکەین و هاوخەمیانین.
کریس کۆچێرا که دۆستێکی نزیکی گەلی کورد بوو، له سەرەتای #شۆڕشی ئەیلوول#ەوه تا ئێستا بەردەوام پشتگیریی شۆڕشی گەلی کوردستان و مافەکانی کردووه و به درێژاییی ئه و ساڵانه سەدان ڕاپۆرت و وتاری لەسەر دۆزی ڕەوای گەلی کوردستان و مافه ڕەواکانی بڵاوکردۆتەوه. له ڕۆژانێکدا که دەنگی گەلی کوردستان و شۆڕشەکەی به جیهان نەدەگەیشت، ئه و یەکێک له و دۆستانەی گەلی کوردستان بوو که دەنگی ڕەوایەتیی دۆزی کورد و مەزلومییەتی گەلی کوردستانی له ڕێگەی نووسین و وتار و چاوپێکەوتنەکانییەوه به دونیای دەرەوه دەگەیاند. به لەدەستدانی کۆچێرا، کوردستان دۆستێکی دڵسۆزی لەدەست دا.
دووباره پرسه و سەرەخۆشی و هاوخەمیی خۆمان بۆ خانەوادەی کۆچکردوو کریس کۆچێرا دەردەبڕین.
#سەفین دزەیی#
وتەبێژی فەرمیی حکومەتی هەرێمی کوردستان
#05-08-2017#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,220 times
Write your comment about this item!