زوهێر ئەعرەجی قایمقامی قەزای ناوەندی #موسڵ# ڕایگەیاند: بەهۆی شەڕی دژی تیرۆریستانی #داعش#ەوە، نزیکەی 90%ی ناوچەی موسڵی کۆن زیانیان بەرکەوتووە، (بڕیارە بەپێی پلانێکی پێویست و بە هەماهەنگیی لەگەڵ لایەنە پەیوەندیدارەکان، لە داهاتوویەکی نزیکدا ئاوەدان بکرێنەوە).
بەپێی لێدوانەکەی قایمقامی موسڵ کە ئاژانسەکانی هەواڵ بڵاویانکردۆتەوە (نزیکەی 270 ناوچەی مێژوویی لە موسڵی کۆن بە تەواوەتی وێران کراون و بڕیارە ڕێکخراوی یونسکۆ بە هەماهەنگیی لەگەڵ حکومەتی عیراق، نۆژەنکردنەوەی ئه و ناوچە مێژووییانە بگرێتە ئەستۆ).
عیراق؛ لە دوو ساڵدا 90 هەزار کەس کوژراو و برینداربوون
لەلایەکی دیکەوە، نێردەی #نەتەوە یەکگرتووەکان# لە عیراق ڕایگەیاند: لە ماوەی دوو ساڵدا نزیکەی 90 هەزار کەس لە عیراقدا بەهۆی شەڕ و توندوتیژییەکانەوە گیانیان لەدەستداوه و برینداربوون.
نێردەی نەتەوە یەکگرتووەکان لە نوێترین ڕاپۆرتیدا کە کەناڵەکانی ڕاگەیاندن بڵاویانکردۆتەوە، ئەوەی خستۆتەڕوو (بەهۆی بەردەوامی توندوتیژییەکان و شەڕی تیرۆرەوە، لەماوەی نێوان ساڵانی 2014 بۆ 2016، 42 هەزار و 243 کەس لە عیراق کوژراون، 47 هەزار و 368 کەسی دیکەش برینداربوون). بەپێی ڕاپۆرتەکە (له و ماوەیەدا پارێزگای بەغدا زۆرترین زیانی بەرکەوتووە، پارێزگای ئەنبار لە پلەی دووەمدایە، پاشان پارێزگای نەینەوا).[1]
27-08-2017
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,843 times
Write your comment about this item!