لە سنوری پارێزگای #سلێمانی#دا زیاتر لە 50 گۆڕەپانی خەزانی سوتەمەنی بەشێوەیەکی نایاسایی بوونیان هەیە،بەڕێوبەری نەوت و کانزاکانی سلێمانیش ڕاستی هەواڵەکە پشتڕاست دەکاتەوە.
محەمەد حەسیب، بەڕێوەبەری نەوت و کانزاکانی سلێمانی لە لێدوانێکی تایبەتدا بۆ کوردیو وتی بە پێی زانیاری و بەدواداچوونەکەکانی ئێمە لە سنوری پارێزگای سلێمانیدا 52 گۆڕەپانی نایاسایی لە دەرەوەی یاساو ڕێنوماییەکان دروستکراون بۆ بواری سوتەمەنی بەکاردێن، بەڵام تا ئێستا لێپێچینەوەی یاسایی لەگەڵ خاوەنەکانیان نەکراوە.
بەڕێوەبەری نەوت و کانزاکانی سلێمانی ڕەخنەی لە لیژنەی ووزە و سوتەمەنی پارێزگای سلێمانی گرت بەوەی لەبەرامبەر ئەو دۆسیەیەدا هیچ هەڵوێستێکیان نەبوە و بەڵکو بە کۆمەڵی ئەرکی ترەوە خۆیان سەرقاڵکردوە کە لە ڕووی پیشەیی و زانستیەوە لەگەڵ کارەکانی ئەواندا یەکناگرێتەوە.
قسەکانی بەڕێوەبەری نەوت و کانزاکانی سلێمانی لەکاتێکدایە بەهۆی بەرزبوونەوەی نرخی بەنزین لە بازاڕەکانی سنوری پارێزگای سلێمانی لایەنە پەیوەندیدارەکان هەریەکەیان بەهانەیەک بۆ ئەو پرسە دەهێننەوە و هەندێک جاریش گەیشتوەتە ئاستی ڕەخنە و تۆمەتیبار کردنی یەکتری.[1]
31-08-2017
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,202 times
Write your comment about this item!