پارێزگار و سەرۆکی لیژنەی ئەمنی پارێزگای #هەولێر# ئاگادارییەک لەپێناو سەرکەوتنی پرۆسەی گشتپرسی بڵاودەکاتەوە و ڕایدەگەیێنێت، بەهیچ شێوەیەک ڕێگەنادرێت شەقام، ڕێگەی گشتی و پردەکان بگیرێن و جام و ژمارەی ئۆتۆمبێل داپۆشرێت.
لە ئاگادارییەکە کە واژۆی #نەوزاد هادی#، پارێزگاری هەولێری لەسەرە هاتووە لەپێناو سەرکەوتنی پرۆسەی گشتپرسی و بەڕێوەچوونی بانگەشەی جەماوەر و ڕێکخراوەکانی کۆمەڵگەی مەدەنی و قەوارە سیاسییەکان بە شارستانیانەو بەشێوەیەی یاسایی، نابێت پۆستەر و لەزگە لە شوێنی ڕێگەپێنەدراو هەڵبواسرێت و هەر سەرپێچییەکیش دووچاری لێپرسینەوە دەبێتەوە.
پارێزگاری هەولێر لە بەشێکی دیکەی ئاگادارییەکەدا دەڵێت هیوادارین خەڵکی کوردستان و بەتایبەتیش جەماوەری پایتەخت، وێڕای گەرموگوڕی و حەماسی نیشتمانی بۆ سەربەخۆیی و مافی چارەنووس، بەتەواوی پێکهاتە و ئاراستە سیاسییەکانییەوە نموونەیەکی یەکجار جوان لە تەبایی و یەکدەنگی بن و ئەم پرۆسە گرنگ و چارەنووسسازە بە سەرکەوتووی بە ئاکام بگەیێنن. [1]
10-09-2017
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 14,048 times