بەرەچاوکردنی ئەو بارودۆخە ناهەموارەی ڕووی لە هەرێمی کوردستان کردوەو لەپێناو پاراستنی زیاتری ئارامی و ئاسایشی پارێزگاکەمان، لیژنەی ئەمنی پارێزگای #سلێمانی# داوا لە سەرجەم حزب و لایەن و کۆمەڵە و ڕێکخراوەکان دەکات، لەم کاتەدا پەنا نەبەنە بەر ئەنجامدانی هیچ کۆبوونەوەو گردبوونەوەیەکی جەماوەری لەژێر هەر داوا و پاساوێکدا بێت.
لیژنەی ئەمنی پارێزگای سلێمانی تەئکید دەکاتەوە، لەبەر ئەوەی بارودۆخ لەبار نییە و ژمارەیەکی زۆر ئاوارە ڕوویان لە پارێزگاکەکە کردووەو بۆ ئەوەی هێزە ئەمنییەکان و دەزگا حکومییەکان سەرقاڵ نەبن، مۆڵەت نادات بەهیچ گردبوونەوە و چالاکی و خۆپیشاندانێک و هەر لایەنێک پابەند نەبێت ڕووبەرووی یاسا دەکرێتەوە.
ئەم داواکارییەی لیژنەی ئەمنی تەنیا و تەنیا لەپێناو پاراستی ئارامی پارێزگاکەو دوورخستەوەی هاووڵاتیانە لە دڵەراوکێ و نیگەرانی زیاتر، بۆیە داوا لەهەموو لایەک دەکەین ئەم ماوەیە دان بەخۆیاندا بگرن و هاوکار و پشتیوانمان بن.
هەموو لایەکیش دڵنیا دەکەینەوە سەرجەم هێزە ئەمنییەکان لە حاڵەتی ئامادەباشی تەواودان بۆ پاراستنی ئاسایشی پارێزگاکەمان و دڵنیاشین هاووڵاتیانی خۆشەویست و لایەنەکان لە ئاستی بەرپرسیارێتیدا دەبن و چاوەڕوانی هاوکاری هەموو لایەکین.
لیژنەی ئەمنی پارێزگای سلێمانی
18-10-2017
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,842 times
Write your comment about this item!