بەبۆنەی جەژنی لەدایکبوونی حەزرەتی عیسای مەسیحەوه (سڵاوی خوای لێبێت)، پیرۆزبایی لە خوشک و بریانانی مەسیحی لە هەرێمی کوردستان و عیراق و تەواوی جیهان دەکەین، هیوای جەژن و پشوویەکی خۆش و ئارامیان بۆ دەخوازین.
ئەمساڵیش جەژنی لەدایکبوون لە کاتێکدا دەگەڕێتەوە کە بە داخەوە هێشتا بە سەدان هەزار خوشک و برای مەسیحیمان لەگەڵ پێکهاتە ئایینی و نەتەوەییەکانی دیکە لە هەرێمی کوردستان ئاوارەن، کە لە ئەنجامی توندوتیژی و تیرۆری ڕێکخراوی تیرۆرستیی داعش و بەئامانجگرتنیان لەناوچە جیاکانی عێراق، ماڵ و حاڵی خۆیان جێهێشتووە. وێڕای نەمانی داعشیش، بەڵام بەهۆی ڕووداوەکانی ئەم دواییە و ئه و دۆخەوە کە هاتۆتەئاراوە، متمانە و دڵنیاییان نییە و نەیانتوانیوە بگەڕێنەوە ناوچەکانیان.
خوشک و برایانی مەسیحی لە هەرێمی کوردستان پێکهاتەیەکی مێژوویی و دێرینی کۆمەڵگەی هەمەڕەنگ و دەوڵەمەندی کوردستانن کە بەهەزاران ساڵ پێکەوە لەگەڵ پێکهاتە نەتەوەیی و ئایینییەکانی دیکە کوردستانیان بنیاتناوە و بەرگرییان لێکردووە و هەمووان پێکەوە بە تەبایی و لەئارامی و سەقامگیریدا ژیاون.
هیوادارین خوشک و بریانی مەسیحی و هەموو پێکهاتەکانی دیکەی کوردستان، جەژن و بۆنەکانی داهاتوویان لە دۆخێکی باشتری گوزەران و سەقامگیریدا بکەنەوە و ئاوارە و پەنابەرانیش بە سەرفرازی گەڕابنەوە ناوچە ئاوەدانکراوەکانیان و بە زێد و ماڵ و حاڵی خۆیان شاد بووبنەوە.
دووبارە جەژنی لەدایکبوون لە هەمووان پیرۆز بێت، جەژنێکی بەختەوەر و پڕ لە ئارامی بۆ هەمووان دەخوازین.
ئەنجومەنی وەزیرانی هەرێمی کوردستان
#24-12-2017#
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,889 times
Write your comment about this item!