لە سەرەتای بەهارەوە تاوەکو ئێستا تەنیا لە شەقام و ڕێگاکانی #مەهاباد# 35 کەس بەهۆی ڕووداوی هاتووچۆ گیانیان لەدەستداوە.
فەرماندەی پۆلیسی هاتوچۆی پارێزگەی #ورمێ# دەڵێت: لە سەرەتای ساڵی هەتاویی 1396ەوە(2017) تاوەکو ئێستا بەهۆی ڕووداوی هاتووچۆ لە جادەکانی پارێزگای ورمێ 350 کەس گیانیان لەدەستداوە و زیاتر لە 8 هەزار کەسیش بریندار بوونە.
بەگوتەی فەرماندەی پۆلیسی ورمێ، تەنیا لە ڕووداوەکانی هاتووچۆی جادەکانی مهاباددا 35 کەس گیانیان لەدەستداوە و 700 کەسیش بریندار بوونە.
جادە و ڕێگاوبان و هەروەها ئۆتۆمبێلی ناستاندارد، ساڵانە لە ئێران بەگشتی و ڕۆژهەڵاتی کوردستان بەتایبەتی، گیانی هەزاران کەس دەخەنە مەترسییەوە و مردن بە هۆی ڕووداوی هاتووچۆ سێیەم هۆکاری مردنی ئێرانییەکانە پاش جۆرەکانی جەڵتە و شێرپەنجە.[1]
#11-01-2018#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,690 times