دواڕۆژ، بورهان یەحیا
رێڤەبەرییا گشتییا ساخلەمییا پارێزگەها #دهۆک# راگەهاند، ل سالا چۆیى نێزیکى 50 هزار ل سنۆرێ پارێزگەهێ ژدايکبووينە و پترى 5 هزار کەسان گيانێ خوە ژ دەستداينه ئانکو رێژەیا ژدایکبوونێ 10 جاران پترە ژ مرنێ.
ب گۆرەى راپۆرتا سالانەيا رێڤەبەریيا گشتیيا ساخلەميێ ل پارێزگەها دهۆک دیار بوویە بەرامبەر هەر 10 زارۆیێن ژدایکبووینە کەسەک گیانێ خۆ ژدەستدایە ئانکو ب گۆرەى ستاندەرێن جیهانى بۆ هەر هزار کەسان گەهشتيە 31.9 د دەمەکى دا رێژەیا جيهانى يا ژدايکبوونێ 19 يە و بەرامبەر وێ رێژەیا مرنێ ل پارێزگەها دهۆک بۆ هەر هزار کەسان 3.7 بوويە د دەمەکى دا ل سەر ئاستێ جيهانێ بۆ هەر هزار کەسان هەشت کەسە.
ئاماژە هاتییەدان هەژمارا کەسێن دبن ژیێ ئێک سالیێ دا گیانێ خوە ژ دەست داینە دگەھيتە 831 زارۆيان و ئەو کەسێن د ژیێ پێنچ سالێ دا مرین پترە ژ 4 هزار و 525 کەسان.
زێدەتر هاتییە لدووڤ ڤێ ئامارێ ل سالا بۆرى ل پارێزگەها دهۆک 48 هزار و 274 زارۆ ژ دايکبووينه و د دەمەکى دا ل سالا بۆرى پێنج هزار و 575 کەسان گيانێ خوە ژ دەست داينه ئانکو ب هاتنا سەر دونیایێ هەر 10 کەسان ئێک کەس گیانێ خۆ ژدەستدایە.
لدۆر ئاوارەیان ژى دیاربوویە دناڤ و ژدەرڤەى کەمپان ل سنۆرێ پارێزگەهێ 980 ئاوارە و پەنابەران گیانی خوە ژ دەست داینە.
ل پارێزگەھا دھۆک 13 نەخۆشخانە ھەنە و هزار و 595 تەخت بۆ خزمەتکرنا نەخۆشان یێن ھاتینە دانان.[1]
#28-01-2018#
This item has been written in (کرمانجی - کوردیی سەروو) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 2,993 times
Write your comment about this item!