وەکو خوێنەرێکی ئەم پەرتووکە پێتان دەڵێم: ئەگەر دەتانەوێت چیرۆکێکی پڕپەند و ئامۆژگاریی ڕاستەقینە بخوێننەوە بفەرموون ئێوە و کچی خۆرهەڵات، چونکە هەر دیمەنێک لە ژیانی کچی خۆرهەڵات تابلۆیەکە لە ژیانی من و تۆ، وێنەی کۆڵانەکانی هەموو شارێکی لەخۆگرتووە.
لە سەرەتای بەسەرهاتەکەدا ئومێد دەڵێت: من و پناری دەزگیرانم دوو مرۆڤی بێ چارە بووین کە هەر لە تافی لاوێتیدا هەموو خەونە ئەرخەوانیەکانمان بوونە سەراب و لەناوچوون، هەموو بەها مرۆییەکانی خۆمان لەدەست دابوو، بۆیە ڕێگەی مردنمان هەڵبژارد، بەڵام هەوڵەکانمان سەری نەگرت، بەهۆی ناسینی کەسانێکی فریشتەئاسا بۆ یەکەمجار هەستمان کرد بەوەی کە وەک مرۆڤ مامەڵەمان لەگەڵدا دەکرێ.
دیمەنە پچڕپچڕەکانی ژیانی پڕ ناسۆر مێشکمی کردبوو بە مەیدانی جەنگێکی بێ ئامان. ئێستاش نەفرەت لە خۆم و ئەوانە دەکەم کە بوون بە هۆکاری ئەو هەموو نەگبەتییەی بەسەر پنار (کچی خۆرهەڵات) دا هات، چونکە ئەو خانمێکی کامڵ و ئیماندار و بەتوانابوو، وەلێ ڕەشەبا فڕێی دایە جێیەک کە خۆی نەیدەویست.
ئەمانە تەنیا سەربوردێکن لە ژیانی کچی خۆرهەڵات و هاوسەرەکەی و بۆ ئاشنابوون بە وردەکاری ڕووداوەکان دەتوانن ئەم پەرتووکە بخوێننەوە.
نووسەر: خالید ئێروۆغرۆڵ
وەرگێڕان: شەیدا عەلی
2013
Apologies. the publishing rights of this book has been withdrawn by the owner! This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 6,669 times
Write your comment about this item!