11ی مارس\20ی ڕەشەممە سوپای کۆماری تورکیای داگیرکەر لە ناوچەی #شەمزینان#-ی #جۆلەمێرگ# بەره و مەیدانەکانی سیرۆ و گومبەت-ی سەر بە هەرێمی برادۆستی باشووری کوردستان دەستی بە ئۆپەراسیۆنی داگیرکاری کرد. 14ی مارس\23ی ڕەشەممە سوپای کۆماری تورکیای داگیرکەر بەشێکی هێزەکانی لە هەرێمەکە کشاندەوە. هەمان ڕۆژ کاتژمێر 19:30 و 20:30 بە ئۆبوس و هاوەن بناری گردی سیرۆ و هەرێمی گەلیی ڕەش-ی بۆردومان کرد. فڕۆکەجەنگییەکانی سوپای کۆماری تورکیای داگیرکەریش بۆمبارانی بناری گردی سیرۆ، هەرێمی گەلیی ڕەش و بناری ئەڤلکۆڤی-یان کرد. کاتژمێر 22:00 هێزەکانی داگیرکەر بە پشتگیریی کۆپتەرەجەنگییەکان-ی جۆری کۆبرا سەربازەکانی بۆ گردی سیرۆ، گردی ماسیرۆ و گردی پارتیزان گواستەوە و چوارچێوەی ئۆپەراسیۆنەکەی لەوێ بەرفرەوان کرد.
15ی مارس\24ی ڕەشەممە سەربازانی داگیرکەر ویستیان خۆیان بگەیەننە گردی پارتیزان و دۆڵی ماسیرۆ. لەنێوان سەربازانی داگیرکەر و هێزەکانمان شەڕ ڕوویدا. هاوکات فڕۆکەجەنگییەکان بۆمبارانی هەرێمەکەیان کرد.[1]
#15-03-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,821 times