بە داخ و پەژارەیەکی زۆرەوە هەواڵی دڵتەزێنی مەرگی کاکە دلۆڤانی کوڕی کاک ئیدریسی ڕەحمەتیمان پێگەیشت کە بە نەخۆشییەکی لەناکاو گیانی سپارد.
بەو بۆنە خەمناکەوە پرسە و سەرەخۆشی لە سەرۆکی هێژامان کاک مەسعود بارزانی و هەڤاڵی بەڕێز کاک نێچیرڤان بارزانی و خوشک و برایانی و تێکڕای ئەندامانی بەڕێزی بنەماڵەی بارزانی و هەروەها سەرەخۆشی لە خۆمان و تێکڕای هەڤاڵان و جەماوەری پارتیمان دەکەین.
لەدەستدانی کاکە دلۆڤانی جوانەمەرگ، ئازاری لەیادنەچووی مەرگی کاک ئیدریسی ڕەحمەتیمان بیردێنێتەوە و کۆستێکی ناوەخت و خەسارەتێکی گەورەیە.
کاکە دلۆڤان ڕۆڵەیەکی بە ئەمەکی بنەماڵەی تێکۆشەری بارزانی و خەباتکارێکی ڕێگای ڕزگاری کورد و کوردستان بوو، کە هەموو ژیانی لە ئاورەیی و لەنێو شۆڕش و بەرخودان و پێشمەرگایەتیدا سەرف کرد و هاوکارێکی ماندوونەناس و بەتوانای ڕایکردنی ئەرکەکانی جەنابی سەرۆک و هەڤاڵ نێچیرڤان بارزانی بوو.
لە خودای گەورە تکاکارین جێگەی جوانەمەرگ بەهەشتی بەرین بێت و سەبووری و ئارامی بەهەموو لایەک ببەخشێت و، ئەمە دوا کۆستی ئەو بنەماڵە سەروەر و قوربانیدەر و کارەساتدیدەیە بێت.
انا لله و انا الیه ڕاجعون
مەکتەبی سیاسی #پارتی دیموکراتی کوردستان#
#02-04-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,658 times
Write your comment about this item!