کۆمپانیای (DNO)ی نەرویجی ئاشکرایکرد بڕی 56.44 ملیۆن دۆلاری لە حکومەتی هەرێم وەک شایستەی دارایی هەناردەی نەوت کێڵگەی نەوتی تاوکێ وەرگرت.
لە بەیاننامەیەکدا کە ئەمڕۆ چوارشەممە 18ی نیسان، لە سایتی فەرمی خۆی بڵاویکردوەتەوە کۆمپانیای (DNO)ی نەرویجی ڕایگەیاند بڕی 56.44 ملیۆن دۆلاری وەک شایستەی دارایی بەرهەمهێنان وهەناردەی نەوتی کێڵگەی نەوتی تاوکێی بۆ مانگی کانوونی دووەمی 2018 لە حکومەتی هەرێم وەرگرت.
دی ئێن ئۆ، ڕاشیگەیاندوە ئه و بڕە پارەیە لەگەڵ هاوبەشەکەی گەنەڵ ئینەرجی دابەش دەکات.
کۆمپانیای (DNO)، ئاماژەی بۆ ئەوەشکردووە بڕی 5.24 ملیۆن دۆلاری دیکەشی لە حکومەتی وەرگرت، کە بریتیە لە 3% داهاتی نەوتی کێڵگەی تاوکێ.
کۆمپانیای (DNO) نەرویجی لەساڵی 2007 لەکەرتی نەوت هەرێمی کاردەکات و خاوەنی 75% پشکەکانی کێڵگەی نەوتی تاوکێ و فیشخابورە.[1]
#18-04-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,922 times
Write your comment about this item!