ناوێکی ئاشنا بۆ خەباتکارانی #حزبی دێموکراتی کوردستان#ی ئێران -حدکا کە بە هەموو تواناوە بەرگرییان لە خاکی نیشتمان کرد، دوای تەمەنێک ژیان بە سەربڵێندی ماڵاوایی لە ژیان کرد.
پێشمەرگەی پێشووی حیزب و قارەمانی دەیان داستانی حەماسە خوڵقێنەر بووە، خەڵکی شاری #بۆکان# لە ساڵی 1980 بەرگی پیرۆزی پێشمەرگانەی لە بەر کرد و لەسەنگەری خەبات بۆ سەرخستنی گەلەکەی چاونەترسانە قارەمانی نواند.
لە سەردەمی هێرشی بەربڵاو بۆ سەر خاکی کوردستان، یەکێک بووە لەو پێشمەرگانە کە بەهۆی لێهاتووییەوە مەسئولییەتی سەرپەلی و فەرماندەری لکی 1ی هێزی بەیانی پێبەخشراوە، ئەوەش دەگەڕێتەوە بۆ ئەوەی کە ناوبراو خەباتکارێکی بە تواناو پێشمەرگەیەکی بەجەرگ و بوێر بووە. لە دژوارترین قوناخی خەبات، سەنگەری خوڕاگریی ئاوەدان هێشتەوە، بەڵام ئەو پێشمەرگە فیداکارە لە ساڵی 1988 تووشی نەخوشی دەبێت و لەسەر ئیجازە و ڕەزامەندی حیزب گەڕاوەتەوە سەر ژیانی ئاسایی.
شیاوی باسە کاک سەید کامیل تا دوا هەناسە بە ڕێبازی کوردایەتی وەفادار مایەوە و خزمەتی بە حیزبەکەی دەکرد.
ناوبراو ڕۆژی ڕابردوو ڕێکەوتی 9ی جۆزەردانی 2718ی کوردی بەرانبەر 29-05-2018 بەهۆی نەخۆشییەوە ماڵاوایی لە ژیان کرد.
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,922 times
Write your comment about this item!