دواڕۆژ، سیروان حەسەن
دوای ئەوەی کارەکانی جوتسایدی ڕێگای #کەلار#-#کفری# دەستی پێکردەوە، لایەنی پەیوەندیدار ئاشکرایدەکات، تائێستا پارەی نەختینەی بۆ دانەنراوە و لەلایەن وەبەرهێنەرانەوە بە شێوەی قەرز دروستدەکرێت و دواتر هەوڵدەدەن بودجەی بۆ دابینبکەن.
عەدنان خەلیل، بەڕێوەبەری ڕێگاوبانی گەرمیان بە دواڕۆژی ڕاگەیاند، پڕۆژەی جوتسایدی کەلار-کفری کە بەهۆی قەیرانی داراییەوە کارەکانی وەستابوو، جارێکی دیکە دەستپێدەکاتەوە و بە دوو قۆناغ لە ڕزگاری بۆ سەرقەڵا و لەوێشەوە بۆ کفری تەواودەکرێت.
وتیشی، پڕۆژەکە 33 کیلۆمەترە و 20%ی کارەکانی تەواوبووە و لەئێستادا 33 ملیار دینار بۆ تەواوکردنی پێویستە.
بەڕێوەبەری ڕێگاوبانی گەرمیان ئەوەشی خستەڕوو، هیچ بڕە پارەیەکی نەختینەی بۆ دانەنراوە، بەڵام چەند وەربەهێنێک دەستیان داوەتە پڕۆژەکە و هەوڵەکانیان بەردەوام دەبێت بە تایبەتی ڕێگەی ئیدارەی گەرمیانەوە بۆ ئەوەی بتوانن بودجەی پڕۆژەکە دابینبکەن.
رێگای کەلار-کفری یەکێکە لە ڕێگا سەرەکییەکانی ناوچەکە و بەهۆی یەکسایدی و خراپی ڕێگاکە و زۆری ڕووداوی هاتووچۆ تێیدا، بوەتە جێی نیگەرانی هاووڵاتیان.[1]
#25-06-2018#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,678 times
Write your comment about this item!