زۆر بەڕێز خاتوو #نادیە موراد#
سڵاوێکی گەرم
بەوپەڕی خۆشحاڵییەوە هەواڵی پێدانی خەڵاتی نۆبڵی ئاشتی بۆ ساڵی 2018م بە هاوبەشی بە جەنابتان زانی، مایەی خۆشحاڵی و شادومانی من و هەموو تاکێکی کوردە، کە ژنێکی بەتواناو خۆڕاگری وەک ئێوە بونەتە خاوەنی ئەم خەڵاته و شەرەفی ئەوەشتان پێ بڕاوە کە وەک یەکەم کوردو دووەم گەنجترین کەس ببنە خاوەنی خەڵاتی نۆبڵی ئاشتی.
تۆ بۆ ئێمه و تەواوی نەتەوەی کوردیش نموونەی خۆڕاگری و بەڕەنگاربوونەوەی بیری توندوتیژی بوون، لە ماوەکانی ڕابردوودا بەوپەڕی توانا لەم بوارەدا کارتان کردووە، لەپاڵ پیرۆزبایی گەرممان پاڵپشتی و پشتیوانی خۆمانتان بۆ دووبارە دەکەینەوە و ئومێدەوارین هەمیشە لە لووتکە بتانبینین، تۆ ڕەمزی کچان و ژنانی کوردی و نیشانەی خۆڕاگری هەموو کوردێکن.
هەمیشە سەرفراز و سەرکەوتووبن
#کۆسرەت ڕەسول عەلی#
جێگری سکرتێری گشتی
یەکێتی نیشتمانی کوردستان
#05-10-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,948 times
Write your comment about this item!