دوای ئەوەی بەڕێوەبەرایەتی گەشتووگوزاری #سلێمانی# لە پرۆژەیەکی خزمەتگوزاریدا نزیکەی 20 کورسی و مێزو سەلەی خۆڵ و خاشاکی لە چیای گۆیژە دانا، بەڵام پیسکردنی دەوروبەری پرۆژەکە و ڕێز لێ نەگرتنی لە لایەن هاووڵاتیان و گەشتیارانەوە لە تۆڕە کۆمەڵایەتییەکان هەرایەکی زۆری نایەوە و بووە جێگەی مشتوومڕی هاووڵاتیان.
لەوبارەیەوە عەلی ڕەئوف بەڕێوەبەری گەشتوگوزاری سلێمانی بە PUKmedia ی ڕاگەیاند: ئەو پرۆژەیەی لەسەر چیای گۆیژە دانراوە، کە بریتییە لە کورسی و مێز و سەلەی خۆڵ و خاشاک، بۆ خزمەتی هاووڵاتیان و گەشتیاران دانراوە تا بتوانن لەو جێگەیەدا پشوو بدەن.
وتیشی: بەداخەوە دوای دانانی پرۆژەکە لەگەڵ ئەوەی لە تەنیشت هەر کورسی و مێزێکەوە سەلەی خۆڵ دانراوە، بەڵام گەشتیاران و هاووڵاتیان زۆر بە پیسی و ناشرینی پرۆژەکە بەجێدەهێڵن، بەشێوەیەک ئەگەر وابڕوات پرۆژەکە لە جێگەیەکی گەشتوگوزارييەوە دەگۆڕێت بۆ شوێنی فڕێدانی خۆڵ و خاشاک.
لە کۆتایشدا بەڕێوەبەری گەشتوگوزاری سلێمانی وتی: لە داهاتوودا پرۆژەی زۆر گەورەترمان لە شاخی گۆیژە بەدەستەوەیە بۆ زیاتر خزمەتکردنی هاووڵاتیان، بۆیە داواکارم لە هواڵاتیان ڕێز لە بوونی ئەو پرۆژە خزمەتگوزارییانە بگرن، چونکە دواجار بۆ سوود وەرگرتن و جوانترکردنی سیمای شوێنە گەشتوگوزارییەکان دروستکراوە.
PUKmedia تاژاو محەمەد[1]
#07-10-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 5,033 times
Write your comment about this item!