بەپێی بڕیارێکی وەزارەتی دارایی هەرێم، ڕێژەی 100% باج دەخرێتە سەر جگەرەی هاوردەکراو.
لەوبارەیەوە ساماڵ عەبدولرەحمان، بەڕێوەبەری گشتی گومرکی هەرێم بە PUKmediaی ڕاگەیاند: لەبەر بەرژەوەندیی گشتی و تەندروستی هاووڵاتییان و پاراستنی بەرهەمی ناوخۆ بڕیاردراوە بە زیادکردنی باج بە ڕێژەی 100% لەسەر هاوردەکردنی جگەرە.
وتیشی: بڕیارەکە کاتی نییە و لە ناوەڕاستی مانگی شوباتی ساڵی داهاتووە وە دەکرێتە بواری جێبەجێکردنەوە.
بەڕێوەبەری گشتی گومرکی هەرێم وتیشی: مەبەستیش لەبڕیارەکە هاوتاکردنی ڕەسمیی گومرگی جگەرەیە لە هەردوو گومرگی هەرێم و عیراق، چونکە لەهەفتەی ڕابردووەوە حکومەتی عیراق بە هەمان شێوە بڕیاریدا بە زیادکردنی باج بە ڕێژەی 100% لەسەر جگەرەی هاوردەکراو.[1]
#09-12-2018#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,765 times