ڕێکخراوی ئاشتی سەوزی جیهانی لیستی پیسترین شارەکانی جیهانی بڵاوکردووەتەوه و هەردوو شاری #هەولێر# و بەغدایش لە لیستەکەدا بونیان هەیە.
ماڵپەڕی گرینپیس بڵاویکردووەتەوە، بە گوێرەی ئەنجامی شیکارییەکی بێپێشینە بۆ ئه و داتا و زانیارییە نوێیانە کە لە مانگە دەستکردەکانەوە لە ماوەی نێوان 1ی حوزەیران و 31 ئابدا دەرچووە، لەڕێگەی ڕێژەی گازی زیانبەخشی دووەمی ئۆکسیدی نایترۆجینەوە لە هەوادا، ناوی هەشت شاری خۆرهەڵاتی ناوەڕاستی وەک پیسترین شاری جیهان دەستنیشانکردووە.
لیستەکە 50 شاری لە سەرانسەری جیهان گرتووەتەوە له و ژمارەیەش هەشت شاریان لە ناوچەی ڕۆژهەڵاتی ناوەڕاستن، کە پایتەختی هەرێمی کوردستان و عێراق و ئیماڕات و سعودیە و میسڕ و قەتەر پێکهاتوون.
ڕێکخراوەکە بونی بڕێکی زۆر نەوتی پیسی له و شارانە بەهۆکاری پیسبونی کەش و هەوای ئه و ناوجانە دیاریکردووە.
لە بەشێکی تری ڕاپۆرتەکەدا گرینپیس کەمکردنەوەی بەکارهێنانی سوتەمەنییە بەردینەکان ڕێژەی ئوتۆمبێلە کۆنەکان و پەنابردن بۆ بەکارهێنانی هۆیەکانی گواستنەوەی گشتی یاخود ئەوانەی بە وزەی خۆر کار دەکەن بە چارەسەری پیسبوونی هەوا لە ڕۆژهەڵاتی ناوەڕاست دیاریکردووە.[1]
#09-01-2019#
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,209 times
Write your comment about this item!