#حەیدەر عەبدولڕەحمان#
لە لێدوانێکیدا، حەیدەر عەبدولڕەحمان نووسەری پەرتووکی دەروازەیەک بۆ ڕەخنەی سینەمای کوردی ئاماژەی بەوەکرد کە پەرتووکەکە لە 150 لاپەڕە پێکهاتووە و لە چاپخانەی زانکۆی سەڵاحەدین چاپکراوە، بە یەکەم پەرتووک دادەندرێت لە بواری ڕەخنەی سینەمای کوردی، لە پەرتووکەکەدا بە شێوەیەکی ڕاگوزاری باس لە سەرەتاکانی سەرهەڵدانی بزاڤی سینەمای کوردی کراوە، هەر لە یەکێتی سۆڤیەتی جارانەوە، تا کوردستانی باکوور و ڕۆژهەڵات و ڕۆژاواو باشووری کوردستان.
نووسەری ئەم پەرتووکە لەبارەی ناوەرۆکی پەرتووکەکەوە وتی، لە پەرتووکەکەدا ئاماژە بەو بزاڤە سینەماییە بە جۆشەی لاوە سینەماکارە کوردەکان کراوە، لە ئەمریکاو ئەوروپا و وڵاتانی ئەسکەندەنافی و بەشداریکردنیان لە فیستیڤاڵە سینەماییە جیهانییەکان و ئەو سەرکەوتنانەی لەنێو ئەو فیستیڤاڵە جیهانیانەدا بە دەستیان هێناوە.
لە بەشێکی دیکەی پەرتووکەکەی دا حەیدەر عەبدولڕەحمان بۆ هەڵسەنگاندنی ئاستی ئەو فیلمە کوردییانەی لەو چەند ساڵەی دواییدا لە کوردستان بەرهەم هاتوون هەڵسەنگاندنێکی ڕەخنەیی بۆ یازدە فیلمی کوردی کردووە، وەک نموونەیەک بۆ سینەمای ئەو قۆناغەو ئاستی پێشکەوتنی.
حەیدەر عەبدولڕەحمان وتی: پەرتووکەکە بۆشاییەک لە قەیرانی پەرتووکی سینەمایی کوردی پڕ دەکاتەوە، کە ئێستا نیمچە خارییە لەو جۆرە بابەتانە، لە لایێکی دیکەوە ڕەنگە وەک سەرچاوە سوودی بۆ قوتابیە ئەکادیمییەکانی بواری سینەما هەبێت.
Read the book: دەروازەیەک بۆ ڕەخنەی سینەمای کوردی
Total download:
43 times
We kindly ask all writers, translators and publishers to inform us if they are not in agreement to have their books downloaded from Kurdipedia server.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,331 times
Write your comment about this item!