سەگی پير فێڵی تازە فێر نابێت
سەيرە ووتراوە(قەلە ڕەشی پير لە بەلاش ناقيڕێنێت) کەچی لێرەدا وتراوە(سەگی پير فێڵی تازە فێر نابێت) هەڵبەتە(پيرە سە)و(گەمبۆس) وەک جنێودانيش کورد بەکاری دەهێنێت، قەلەکە تا دەمرێت دەتوانێ بفڕێت و دەنگ وباس و بارودۆخی دەوروبەری خۆی دەزانێت، بەڵام سەگ کە پير بوو جموجۆڵ و چاڵاکی کەم دەبێتەوە و کورد وتويەتی(سەگ کە پير بوو دەبێتە قەشمەرجاڕی گوجيلان) و بەهيچ شێوەيەک فێڵ و تەڵەکەی تازەی بۆ ناکرێت چونکە توانای ڕاپەڕاندنی نی يە و هەر بەتەمبەڵ و تەوەزەڵی دەمێنێتەوە، ئينجا ئەم ئيديۆمە بەکاردێت بۆکەسێک کە لەسەردەمی لاوی و گەنجی چ کارێکی ئەوتۆی ئەنجام نەدابێت و بەپيری بيەوێت کارێک بکات پێی دەوترێت(سەگی پير فێڵی تازە فێر نابێت).
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,529 times