بەرێزان بەرێوەبەرو میدیاکارو کارمەندانی ڕادیۆی دەنگی گەلی کوردستان
لە یادی40 ساڵەی دامەزراندنی ئێزگەی دەنگی گەلی کوردستاندا، پیرۆزبایی گەرمتان ئاراستە دەکەین و هیوای پێشکەوتن و گەشەی زیاترتان بۆ دەخوازین لە خزمەتکردنی کۆمەڵانی خەڵک و میدیای کوردی دا.
ئێزگەی دەنگی گەلی کوردستان لەدەستپێکی هەڵگیرسانی شۆڕشی نوێی گەلەکەمان بەڕابەرایەتی #یەکێتیی نیشتمانیی کوردستان#، ڕۆڵی گەورەی بینیووە لە جۆشدانەوەی خەباتی گەلەکەمان و بەرزکردنەوەی ورەی پۆڵاینی هێزەکانی پێشمەرگه و جەماوەری کوردستان، بۆیە وەک هەمیشە دەنگی گەلی کوردستان وەک دەنگی زوڵاڵی شۆڕش لە مێژوو و ویژدانی زیندووی گەلەکەمان دەمێنێتەوە.
لەراپەرینی بەهاری 1991دا، ئیزگەی دەنگی گەلی کوردستان بەبروسکە و پەیامەکانی، هەنگاو بەهەنگاو مژدەی سەرکەوتن و ئازادی باشوری کوردستانی دەگەیاند و کۆمەڵانی خەڵکی جۆشدەدا بۆ ڕاپەرینی سەرتاسەری، ڕادیۆی دەنگی گەلی کوردستان لەدوایی ڕاپەرینیش لە قۆناغی خەباتی شاردا، کاری لەسەر پەیامی ئاشتەوایی و نیشتیمانی و پێکەوەژیان و پاراستنی دەستکەوت و ئەزموونی باشوری کوردستان کرد و توانی لەگەڵ گۆرانکارییەکانی کوردەواری و لێکەوتەکانی میدیادا خۆی بگونجێنێ و هاوچەرخانە پەیامەکانی بگەیەنێ.
بەم بۆنەوە پیرۆزبایتان لێدەکەین و هیوادارین بۆ داهاتوو بۆ ڕاپەراندنی ئەرکەکانتان باشتر خۆتان سازبدەن.
راگەیاندنی مەکتەبی سیاسی
یەکێتیی نیشتمانیی کوردستان
#19-03-2019#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,772 times
Write your comment about this item!