ئامادەکردنی: بەرزان ئەبوبەکر [1]
ئەو منداڵە بێباوکانەی ڕێڕەوی مێژوویان گۆڕی.. باس لە ژیان و گوزەرانی ئەو منداڵانە دەکات کە بە بێ نازی باوک گەورەبوون، بەڵام بە جیاواز لە منداڵانی دیکە..
ئەو منداڵانە بە بێباوکی گەورە بوون، بەڵام توانیویانە بەسەر کۆسپ و لەمپەرەکانی ژیاندا سەربکەون و گۆڕانکاری گەورە لە مێژووی مرۆڤایەتیدا تۆمار بکەن.. توانیویانە ڕووبەڕووی ناڕەحەتییەکانی ژیان و تەنگ وچەڵەمەو نەهامەتییەکان ببنەوەو حەزو خولیاو ئاواتەکانیان بهێننە دی.. توانیویانە ببنە سەرکردەو پێشەوا، نووسەرو شاعیری بەناوبانگ، فەیلەسوف و داهێنەر، زاناو مامۆستای بە ئەزموون..
کەسایەتییەکانی ئەم کتێبە، لە کەسانی یەک هەرێم و یەک دەوڵەت پێکنەهاتوون، بەڵکو هەوڵمانداوە لەسەرجەم نەتەوە زیندووەکانی دونیا نمونە بهێنینەوە، هاوکات نموونەمان بە کەسانێک هێناوەتەوە کە ئێستا لە ژیاندان، بۆئەوەی نەوترێت مرۆڤەکان هەمیشە دوای مردن وەبیریان دێتەوە باس لە پێشکەوتن و سەرکەوتنی کەسانی سەرکەوتوو بکەن..
ئەوان بێباوکی نەک لە خەونەکانیان ساردیان نەکردنەوە، بەڵکو زیاتر هەوڵەکانی خۆیان خستەگەڕ بۆ هێنانەدی خەون و ئاواتەکانیان.. بۆئەوەی ئێمەش بە بیروهۆشێکی فراوانتر بیر بکەینەوەو چاو لە سەرکەوتنەکانیان بکەین و هەوڵی هێنانەدی ئاوات و پلەو پایەی بەرزمان بدەین و ببینە ژمارەیەکی گەورە لە ژیاندا، تا بتوانین لە دوای خۆمان خشتێک لەسەر دیواری ژیان دابنێین.
ئەو کەسایەتیانەی لەم پەرتوکەدا ئاماژەمان پێکردوون، سەرجەم منداڵە بێباوکەکانی جیهان نین، بەڵکو نمونەیەکی هەڵبژێردراوو ناوازەی نێوکۆمەڵگەی مرۆیین.. ڕەنگە بێباوکانی دیکە زۆر بن کە توانیویانە گۆڕانکاری گەورەو بەرچاو بەرپا بکەن، بەڵام ئێمە نەمان توانیوە ئاماژەیان پێ بکەین.
دەبێت ئەوەشمان لە یاد نەچێت، کە دایکانی ئەم منداڵانە ڕۆڵی بەرچاویان هەبووە لە پێگەیاندنی ڕۆڵەکانیاندا، هەروەک وتراوە لە پشت هەموو پیاوێکی گەورەوە، ئافرەتێکی بەهێز هەیە.
Read the book: ئەو منداڵە بێباوکانەی ڕێڕەوی مێژوویان گۆڕی
Total download:
603 times
We kindly ask all writers, translators and publishers to inform us if they are not in agreement to have their books downloaded from Kurdipedia server.
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,297 times
Write your comment about this item!