دەرهێنەری فیلمی خوشکانی جەنگ، کە لەسەر خەباتی ژنانی #شەڕڤان#ی #یەپەژە# لە ڕۆژئاوای کوردستان بەرهەمهێندراوە، باس لەوە دەکات، دەیەوێت لە ڕێگای فیلمەکەیەوە بەرخۆدانی ژنان و دڕندەیی چەتەکانی #داعش# نیشانی جیهان بدات و دەشڵێت: فیلممان بۆ دڵخۆشکردنی ئەردۆغان درووست نەکردووە.
ئێوارەی ئەمڕۆ بەر لە دەستپێکردنی چوارەمین فێستیڤاڵی نێودەوڵەتیی فیلمی #سلێمانی#، ستافی فیلمی خوشکانی جەنگ، لە تەلاری هونەری شاری سلێمانی کۆنگرەیەکی ڕۆژنامەنووسییان ئەنجامدا.
لە کۆنگرە ڕۆژنامەنووسییەکەدا، کارۆلین فۆورێست، ڕۆژنامەنووس و دەرهێنەر، کە کاری دەرهێنانی بۆ فیلمی خوشکانی جەنگ کردووە، دڵخۆشیی خۆی بە ئامادەبوونی لە چوارەمین فێستیڤاڵی نێودەوڵەتی فیلمی سلێمانیدا دەربڕی و سینەمای بە وێستگەیەکی گرنگ ناوبرد بۆ گەیاندنی پەیامی پێکەوەژیان.
دەربارەی تووڕەیی ئەردۆغانی سەرۆکی دەوڵەتی تورک لەو فیلمە، کارۆلین فۆورێست وتی کە ئەوان فیلمییان بۆ دڵخۆشیی ئەردۆغان دروستنەکردووە، وتیشی: ئێمە ئەم فیلمەمان بۆ دەمارگیرەکان دروستنەکردووە، ئەم فیلمەمان دروستکردووە بۆئەوەی وەک ئاهەنگگێڕانێک بێت بۆ ژنانی شەڕڤان.
فیلمی خوشکانی جەنگ لە ڕۆژئاوای کوردستان بەرهەمهێندراوە و باس لە خەبات و بەرخۆدانی شەڕڤانانی یەپەژە دەکات، لە سەرەتای چوارەمین فێستیڤاڵی نێودەوڵەتیی فیلمی سلێمانیدا نمایش دەکرێت.
فیلمەکە پێشتر لە میسر نمایشکراوە و دەرهێنەری فیلمەکەش ئاماژە بەوە دەکات، هەوڵدەدات فیلمەکە بباتە فستیڤاڵە نێودەوڵەتییەکانی فیلم لە ئەمریکا و ئەڵمانیا[1
#2019-10-01#
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,468 times
Write your comment about this item!