جەماوەری کوردستان
مامۆستایانی دڵسۆز
قوتابیان و خوێندکارانی خۆشەویست
یەکێتی مامۆستایانی کوردستان لە سەرەتای بڵاوبوونەوەی کۆڤید19لە هەرێمی کوردستان داوای لە حکومەت و هەردوو #وەزارەتی پەروەردە# و خوێندنی باڵاوتوێژینەوەی زانستی کرد، پرۆسەی پەروەردە و فێرکردن لە هەموو قۆناغەکان بوەستێنن، وەک هەنگاوێکی کردەیی بۆ خۆپارێزی له و ڤایرۆسە نەفرەتیە، داکۆکیشی لەسەر ئەوە کرد کە دەبێت هەموو هەوڵێک بدرێت بۆ ئەوەی کۆششی ئەمساڵ لە دەست نەچێت و مسۆگەر بکرێت، بۆ ئه و مەبەستە لە پەیوەندی بەردەوام و ئاڵوگۆڕی بیروڕا بوو، وەک سەرەتایەک بۆبەرجەستەکردنی ئه و داخوازیە پشتگیری لە ڕاگەیاندنەکەی وەزارەتی پەروەردە دەکات کە بریتیە لە کاتی دەستپێکردنەوەی دەوام و خشتەی ئەزمونەکان و بەکارهێنانی سیستەمی ئەلکترۆنی بۆ وانەکان هەر چەندە ئەوە بۆ هەموو قۆناغەکان و دەڤەرەکان وەک یەک نابێت بە هۆی کێشەی ئەنتەرنێت و کارەباو کەمی شارەزاییەوە، بەڵام هەر هەنگاوێکی باشە و بە ئەرێنی لێکی دەداتەوە، پێویستە سود لە تەلەفزیۆنی پەروەردەییش وەربگیرێت بە پێی خشتەی وەزارەتی پەروەردە بۆ وانەکان و پۆلەکانی خوێندن، گرنگیشە هانی مامۆستا بەڕێزەکان بدرێت تاوەکو لە ڕێی کورتە نامەوە پەیوەندی بە خوێنکاران و قوتابیانەوە بکەن و ڕشدیان بکەن لەسەر خوێندنەوەی وانەکانیان، بڕواشی وایە ئەوانە و دابینکردنی موچە و کرێی وانەبێژی ئاسانکاری زۆر بۆ ئه و هەنگاوانە و سەرکەوتنی ساڵی خوێندن دەکات، هاوکات دەبێت بیر لە ئەگەر و پلانیتریش بکرێتەوە ئەگەر خوانەکردە ئەم دۆخە درێژەی کێشا کە ئومێدەوارە بە هەوڵی هەموو لایەک لە پێشەوەیاندا وەزارەتەکانی تەندروستی و ناوخۆ و ئاسایش و هێزی پێشمەرگە و لایەنەکانیتر ئه و بەڵایە تێپەڕێنرێت و بگەینەوە کەناری ئارام و جارێکیتر ژیانی ئاسایی لە تەواوی جومگەکان دەست پێبکاتەوە.
کوردستان پارێزراوبێت سەرساغیش بۆ هەموان..
یەکێتی مامۆستایانی کوردستان
مەکتەبی سکرتاریەت
#05-04-2020#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,499 times
Write your comment about this item!