ناوەندی ڕاگەیاندن و چاپەمەنی #هەپەگە# ڕایگەیاند، هێزەکانی گەریلا لە چوارچێوەی هەنگاوی تۆڵەسەندنەوەی شەهید میدیا ناوا و شەهید ڕزگار گەڤەردا لە دژی سوپای تورک چالاکیان ئەنجامداوە.
لە ڕاگەیێندراوەکەی هەپەگەدا هاتووە:
8ی ئایار لە کاتژمێر 16:30 خولەکدا هێزەکانمان لە دژی ئۆتۆمبیلێکی جۆری ئامارۆک-ی سوپای داگیرکەری تورک کە بەرەو قەرەقۆڵی زەرن-ی ناوچەی گەڤەری جۆلەمێرگ درۆیشت، چالاکیەکیان ئەنجامدا. هێزەکانمان هێرشیان کردە سەر ئۆتۆمبیلەکە و ئۆتۆمبیلەکەیان سووتاند و 4 سەرباز کوژراون کە یەکێکیان فەرماندەی ئەو قەرەقۆڵە بووە. دوای چالاکیەکە سوپای داگیرکەری تورک بە تۆپ و هاوەن چالاکیەکەیان تۆپباران کرد. یەکینەکەشمان کە چالاکیەکەیان ئەنجامدا، بە بێ زیان گەڕایەوە بارەگای خۆی.
6ی ئایاریش لە کاتژمێر 11:15 خولەک لە دژی بەنزینخانەی باز لە گردی شەهید قەهرەمان لە نێوان گوندی ئۆسیان و ئاکیرای سەر بە ناوچەی قلەبانی شرنەخ چالاکیەک بەڕێوە چوو. لەو چالاکیەدا بەنزینخانەی باز بە تەواوەتی لەناو براوە.
هێرشی ئاسمانی
لە 10ی ئایارادا (ئەمڕۆ) لە کاتژمێر 09:10 خولەک فڕۆکە جەنگیەکانی سوپای داگیرکەری تورک ناوچەی سیدای زاپی سەر بە هەرێمەکانی پاراستنی میدیایان بوردومان کرد. لەو بوردومانەدا هیچ زیانێک بەر هێزەکانمان نەکەوت.[1]
#10-05-2020#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,788 times
Write your comment about this item!