بەداخەوەین کە بارو گوزەرانی خەڵکی لە دۆخێکی خراپدایە لە ئێستادا جگە لە موچەخۆران کاسبکار، جوتیار، بازرگان و سەرجەم چین و توێژەکان ڕووبەڕووی دۆخێکی سەختی ئابووری بوونەتەوە، ئەمە سەرەڕای دڵەڕاوکێی خەڵکی لەو مەترسیانەی کە #کەرکووک# و #گەرمیان# و ناوچە جێناکۆکەکانی گرتۆتەوە و مەترسی لەسەر ژیانیان هەیە.
ئێمە و هاووڵاتیان چاوەڕێ بوین سەرۆکی حکومەت مژدەی چارەسەرکردنی ئەو کێشەو ئاڵۆزیانە بداتە خەڵکی و باس لە شێوازی چارەسەری دۆخەکە بکات، پێمان وابوو پەیامی ئازادی بۆ زیندانیانی سیاسی کە تەنها بە هۆکاری ڕای جیاواز لە زیندانن دەکات بە جەژنانە بۆ کەسوکارەکانیان، بەڵام بەداخەوە وتاری بەڕێزیان نەک دڵخۆشکەر نەبوو بەڵکو زیاتر بێ هیوایی دروست کرد، جگە لەوەش حکومەتی بێ بەری کرد لە هۆکاری دروست بوونی ئەو کێشانە، بە تایبەت هۆکاری دروستبوونی قەیرانەکانی هەرێمی گێڕایەوە بۆ ڤایرۆسی کۆرۆنا و دابەزینی نرخی نەوت و نە ناردنی بەشە بودجەی هەرێم لە بغداد، ئەمە لەکاتێکدایە پێش دروستبوونی ئەو کێشانەی کە باسیان لێوەکرد دۆخی خەڵکی لە ئێستا باشتر نەبوو، هاوکات پەیامی ئەوەی دا کە نەک پاشەکەوت ناگەڕێتەوە بەڵکو لە داهاتودا ئەگەری نەمانی موچەکانتان زیاترە، ئەمەش نیشانی دەدات کە سەرۆکی حکومەت نەیتوانیوە لە ململانێ سیاسی و بگرە حیزبیەکانیش خۆی دەرباز بکات و هەوڵی چارەسەری بدات نەک دیسانەوە بە قەیرانێک قەیرانی دیکە دابپۆشێت، بۆیە وەک تەڤگەری ئازادی داوا لە لایەنە سیاسیە ئۆپۆزسیۆنەکان دەکەین لەگوشارکردنە سەر حکومەت بەردەوام بن و لایەنی بەشداری ناو حکومەتیش بەو بێهەڵوێستیەی حکومەت ڕازی نەبن لەوەش دڵنیاین خەڵکی بەم وتارەی سەرۆکی حکومەت دڵخۆش نەبوون و ناڕەزایەتییەکان بەرفراوانتر دەبن، گرنگە دەنگی ناڕەزایەتی گەل و لایەنە ئۆپۆزسیۆنەکان یەک بخرێن، بە پێچەوانەوە دۆخی زۆر ناهەموار چاوەڕوانمان دەکات وەک لە پەیامەکەی سەرۆکی حکومەتدا دیار بوو.
#23-05-2020#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,410 times
Write your comment about this item!