ناوەندی ڕاگەیاندن و چاپەمەنی #هەپەگە# ڕاگەیەنراویکی لەبارەی چالاکی هێزەکانی گەریلا بڵاوکردەوە کە بەم شێوەیەیە:
جۆلەمێرگ
هێزەکانمان لە چوارچێوەی هەنگاوی شۆرشگیری شەهید باگەر و شەهید ڕۆنیادا 6ی حوزەیران کاتژمێر 09:30 لە ناوچەی #شەمزینان#ی جۆلەمێرگ لە دژی ئۆتۆمبێڵی جۆری ڕەئۆی سوپای داگیرکەری تورک چالاکی ئەنجامدا کە لە نیوان گردی هەلیکۆپتەر و خاپوشکێدا بوو. هێزەکانمان لە هەمانکدا لە سەنگەر و پەناگاکانی دوژمنیاندا لەسەر گردی خاپووشکێ. لەو چالاکیانەدا ژمارەی کوژرا و بریندارەکانی دوژمن نەزانرا.
شڕنەخ
سوپای داگیرکەری تورک 7ی حوزەیران لە ناوچەی قلەبانی شڕنەخ لە گۆرەپانی کەلا مامێ، تران و شێخ ئەبوبەکر دەستی بە ئۆپەڕاسیۆن کرد. هێزەکانمان لەدژی یەکینەکانی ئۆپەڕاسیۆنەکە لە چوارچێوەی هەنگاوی تٶڵەسەندنەوەی شەهید مەدیا ماوا و شەهید ڕزگار گەڤەردا لەسەر ڕێگای چەمی خەتکێ چالاکیان ئەنجامدا. لە چالاکیەکەدا 2 سەربازی دوژمن کوژراون و سەربازێکیش بریندار بوون. ئۆپەڕاسیۆن هەمان ڕۆژ کاتژمێر 16:00 بە شێوەیەکی بێئەنجام کۆتایی هات. هێزە داگیرکەرەکان نەیانتوانی ئەنجام بەدەست بهێنن و ژمارەیەک کەسیان دەستگیرکرد کە سەرقاڵی لەوەڕاندنی مەڕ و ماڵاتیان بوون.
سێرت
سوپای داگیرکەری تورک 4ی حوزەیران لە گۆڕەپانی گوندی سیانسیی ناوچەی هاوێلێی سێرت دەستی بە ئۆپەڕاسیۆن کرد. سوپای داگیرکەر 5ی حوزەیران بە فڕۆکەی جەنگی و هەلیکۆپتەر ناوچەیەکی بۆردومان کرد. دوای بۆردومانەکە بە هەلیکۆپتەری سکۆرسکی سەربازەکانیان بۆ ناوچەکە گواستەوە. ئۆپەڕاسیۆن هەمان ڕۆژ کاتژمێر 15:00 بە کشانەوەی ئۆپەراسیۆنەکە کۆتایی هات. لە هەمان ئۆپەڕاسیۆندا 2 هەڤاڵمان کە بە قاڕەمانی لەدژی دوژمن شەڕیان کرد شەهید بوون. زانیاری لەسەر ناسنامەی شەهیدەکانمان دواتر بۆ ڕای گشتی ئاشکرا دەکرێن.
ئاڤاشین
فڕۆکە جەنگیەکانی سوپای داگیرکەری تورک 7ی حوزەیران کاتژمیر 14:00 گۆڕەپانی گەلیێ ئاڤاشینی هەرێمی ئاڤاشینی سەر بە هەرێمەکانی پاراستنی میدیایان بۆردومان کرد. هیچ زیانێک بەر هێزەکانمان نەکەوت.[1]
#08-06-2020#
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,452 times
Write your comment about this item!