تیمەکانی تۆڵەی ڕۆژەڤین گارزانی یەپەسە ژن ڕایگەیاند، لە چوارچێوەی هەنگاوی تۆڵەکردنەوەدا لەدژی سیخۆڕ و داگیرکەران لە ئەستەنبوڵ، ڕوحا و ئانتالیا چالاکیان ئەنجامداوە.
لە ڕاگەیەنراوەکەدا هاتووە، 16ی ئاب بە شەو لە گەڕەکی وەقف ئەنساری ماڵتەپەی ئەستەنبوڵ، بانکەماتیکەکان سووتێنراون. لە چالاکیەکەدا هەموو بانکەماتیکەکان لەناوچوون.
هەروەها وتیشی، 14ی ئاب تیمەکانمان لە ناوچەی کاراکۆپروی ڕوحا لەدژی وێستگەی کارەبا کە کارەبای بە ماڵی پۆلیسەکان دەدا چالاکیان ئەنجامداوە، دوای چالاکیەکەدا چەندین کاتژمێر ئەو باڵەخانانە بێ کارەبا ماونەتەوە.
4ی ئابیش لە ناوچەی ماناوگاتی ئەنتالیا کۆگایەکی کەسێکی فاشیست بە ناوی (ئەی – کەی) سووتێنراوە. لە چالاکیەکەدا نزیکەی 2 ملیاری دۆلار زیان بەر کۆگاکە کەوتووە و بارهەڵگرێکی ئەو کەسەش سووتێنراوە.
لە ڕاگەیەنراوەکەدا هەروەها هاتووە:
ژنان کە لە کوردستان پێشەنگایەتی پێشکەوتنی شۆڕشگێری دەکەن کۆیلایەتی قبوڵ ناکەن و لەسەر ڕێچکەی ئازادی بە قاڕەمانی شەڕ دەکەن. بەرخۆدانی خۆبەڕێوەبەری بە ڕوحی فیدایی نووجان، ئاخین، ڕووکەن و هێڤی دروست بووە. ژنان لە گۆڕەپانەکان لە بەرەی پێشەوەدا جێگای خۆیان دەگرن و بەردەوامی بە تێکۆشانیان دەدەن. فاشیزمی دەوڵەتی تورک زیاتر لە ژنان دەترسێت. ڕژێمی ئاکەپە و مەهەپە دوژمنی ژنانە. ژنان پێویستە لە تێکۆشانی هاوبەشدا پێکەوەبن. لەبەرانبەر هێرشەکان لەدژی ئیرادە و ناسنامەی ژنان پێویستە دروشمی خۆبوون و خۆپاراستن هەڵبگیرێت و تێکۆشان بەهێز ببێت. ئێمە وەک یەپەسە ژن ڕایدەگەیەنین کە لە بەرانبەر دەزگا و ناوەندەکانی دەسەڵات چالاکیەکانمان بەردەوام دەبن. تا فاشیزمی دەوڵەت و پیاوان کۆتایی نەیەت چالاکیەکانیشمان کۆتاییان نایەت.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,781 times
Write your comment about this item!