ئاری جەلال، سەرۆکی دەزگای لوتکە بۆ کاروباری پەنابەران ڕایگەیاند زۆربەی سنوورەکان بەهۆی ڤایرۆسی کۆرۆناوە داخراون، بەڵام ئەمساڵ زیاتر لە 22 هەزار کەس کۆچیان کردووە و داوای مافی مانەوەیان لە وڵاتانی ئەوروپا کردووە، لەم مانگەوە شەپۆلی کۆچکردن دەستیپێکردووەتەوە.
بە گوتەی سەرۆکی دەزگای لوتکە، لە سەرەتای ئەمساڵەوە تاوەکو ئێستا 27 هاونیشتمانی له ڕێگەی کۆچکردنی نایاسایی لە ڕێگە دەریایی و وشکانییەکان گیانیان لەدەستداوە، تەرمی 12 کۆچبەر دۆزراونەتەوە و گەڕێندراونەتەوە هەرێمی کوردستان، بەڵام هێشتا تەرمی 15 کۆچبەر نەدۆزراونەتەوە و بێسەروشوێنن.
ئاری جەلال ئاماژەی بەوەش کرد، له ماوەی پێنج ساڵی ڕابردوودا 416 کۆچبەری کورد لە ڕێگە قاچاخەکاندا، بەتایبەت لە تورکیا و یۆنان، گیانیان لەدەستداوە، تەرمی 245یان دۆزراونەتەوە و گەڕێندراونەتەوە هەرێمی کوردستان، بەڵام هێشتا تەرمی 171 کۆچبەر نەدۆزراونەتەوە.[1]
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,317 times
Write your comment about this item!