دوای ئەوەی هاوڵاتییەکی #ڕۆژهەڵاتی کوردستان# ڕۆژی 18-05-2021 لە شاری #هەولێر# و لە بەردەم بارەگای UN و بەبەرچاوی چەند کەناڵێک و لە پەخشی ڕاستەوخۆدا ئاگری لە جەستەی خۆی بەردا، درەنگانی شەوی 23-05-2021 و دوای مانەوەی بۆ ماوەی 5 ڕۆژ لە نەخۆشخانە گیانی لەدەست دا.
ئه و هاوڵاتییە ناوی بەهزاد مەحمودیە تەمەنی 27 ساڵە و ماوەی 4 ساڵە لە هەرێمی کوردستان دەژی، بەهۆی خراپی گوزەرانیی و پێنەدانی مافی مانەوە ئاگری لە جەستەی خۆی بەردا.بەهزاد مەحمودی، لەوکاتەی لێدوانی بۆ دەزگاکانی ڕاگەیاندن دەدا، بە دەستێکی دەبەیەک بەنزینی هەڵگرتبوو، بە دەستەکەی تریشی چەرخی پێبوو، گلەیی لە دۆخی گوزەرانی و پێنەدانی مافی مانەوە لە #هەرێمی کوردستان# کرد، دواتریش بەنزینەکەی کرد بە خۆیدا و چەند جارێکیش دەستی بەچەرخەکەدا نا تا ئاگر لە جەستەی بەربوو، دەزگا میدیاییەکانیش دیمەنەکەیان دەگواستەوە و پەیامنێرەکانیش لێی دوورکەوتنەوە.پاشانیش ئاگری سەر جەستەی بەهزاد مەحمودی کوژایەوه و هەستێنرایە سەرپێی و گەیەنرایە نەخۆشخانە.
This item has been written in (کوردیی ناوەڕاست - Central Kurdish) language, click on icon
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,004 times
Write your comment about this item!