پرسی کۆچ و کۆچبەران، تەوەرێکی دیداری نێوان سەرۆک بارزانی و باڵیۆزی بیلاڕووسیا بوو
ئەمڕۆ دووشەممە 1ی تشرینی دووەمی 2021 لە سەلاحەددین سەرۆک مەسعود بارزانی پێشوازی لە ڤیکتۆر ڕیباک باڵیۆزی بیلارووسیا لە عێراق کرد.
لە دیدارەکەدا ڕۆشنایی خرایە سەر پڕۆسەی سیاسی و هەڵبژاردنی مانگی ئۆکتۆبەری ڕابردووی ئەنجومەنی نوێنەرانی عێراق و، قۆناغی دوای هەڵبژاردن.
هەر لەو دیدارەدا جەخت لە پەرەپێدانی پەیوەندییەکانی نێوان هەرێمی کوردستان و بیلارووسیا کرایەوە.
بابەتی کۆچ و هەماهەنگیی نێودەوڵەتی و هەمە لایەنە لەگەڵ پرسی کۆچ و کۆچبەران تەوەرێکیتری ئەو کۆبوونەوە بوو، پەیوەست بەم باسەوە سەرۆک بارزانی جەختی لەوە کردەوە کە لە پرسی کۆچ و کۆچبەراندا پێویستە هەموو لایەک ڕەچاوی ڕەهەندە مرۆڤییەکانی ئەم پرسە و پاراستنی ژیانی ژن و منداڵ و کۆچبەران بکەن.[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,662 times
Write your comment about this item!