ناوی کتێب: گەنجان
تامەزرۆی سەرکەوتنن یان تینوی ئارەزوو؟
نوسینی: عەبدولسەلام مەدەنی.
وەرگێڕانی: سالار فەتاح.
لە کتێبەکەوە:
هەروەک چۆن ناوکێک هەیە ئەلیکترۆنەکان لە خولگەیەکی دیاریکراودا بەدەوریدا دەسوڕێنەوە، هەسارەکان چەند خۆرێکیان هەیە لە خولگەکان بەدەوریاندا دەسوڕێنەوە، ژیانی مرۆڤیش هەمان شتە و دەبێت خولگە و سەنتەریی قورسایی و پێشەنگی هەبێت و لە دەوری کۆببێتەوە.
هەموو کەسێکیش لە خولگەی ئەو کەسەدا دەسوڕێتەوە کە لەگەڵی دەگونجێت. بۆیە گوتراوە (پێم بڵێ هاوڕێیەتی کێ دەکەیت، پێت دەڵێم تۆ کێیت) ئەمەش یەکێکە لەو گرفتانەی کە گەنجی کۆمەڵگە و کۆمەڵی ئێمە پێوەی دەناڵێنێت. پێشەنگی چاک واتای ئەو سەنتەرە قوساییەیە کە هاوسەنگی گەنجان دەپارێزێت و شێوازی جوڵەی کۆمەڵگە ڕێک دەخات، بەڵام نەبوونی ئەم پێشەنگە پەرتەوازەیی دێنێتە ئاراوە، جا یان سەرگەردانی و بێسەروبەری، یان سوڕانەوە لە خولگەی پێشەنگە خراپەکاندا.
گەنجان و هەموو کۆمەڵگەی مرۆڤایەتی و تەنانەت غەیری مرۆڤیش زیندوو بن یان مردوو، دەبێت سەنتەر و خولگەی سوڕانەوەی باشیان هەبێت، ئەگەر نا، هی خراپیان دەبێت، لێرەوە گرنگی ئامادەباشی بۆ ئەم خاڵە دەردەکەوێت تا بتوانین گەنجان کۆبکەینەوە و بەهرەکانیان لە بنیاتنادا بخەینە کار.[1]