دایکم
دایکم بەرز و پیرۆزە
کەسێکی زۆر دڵسۆزە
چاوانی پڕگەشبینی
دڵخۆشم بە بینینی
شەو و ڕۆژ بە بەردەوام
بۆ گەیشتن بە هیوام
ڕێی ڕاستیم پیشان دەدات
بۆ چاکە هانم دەدات
لە خۆم زیاتر پەرۆشە
کەدڵخۆشبم دڵخۆشە
بۆیە بەڵێن بێ دایە
ڕەنجت نادەم بەزایە
گشت ئامۆژگاریەکانت
وتە و کردەوەکانت
دەکەم بە یاسای ژیان
ڕۆشن وەکو دەمبەیان
پاشەڕۆژ کە گەورەبووم
دەڵێم پەروەردەی تۆبووم
هەوڵ و ماندوبوونی تۆ
منی گەیاندە ئەمڕۆ
باشترین ژن لە جیهان
لای من هەرتۆی دایەگیان
21/09/2016
چوارشەممە / سلێمانی
(دایکم) بەرهەمی نوێی تیپی هونەریی مناڵانی سلێمانییە و بە دەنگە جوانەکەی بەهرەمەند [گوڵی ڕەهێڵ]بە گۆرانی وتراوە و لە ئاواز و مۆزیکی [موحەمەد مەولود] و [عومەر عەبدوڵڵا]..
بە سەرپەرشتی مامۆستای بەڕێز و خۆشەویست، [ #مۆفەق عارف لهۆنی# ].
پەرتووکی #خەیاڵی کۆترەکان#
#فەرهاد ئەحمەد بەرزنجی# [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,474 times