دوو شیش ووشەی شیعر..؟!
گەر هەر لەئێستاوە
دەست بەرداری خواردن و خواردنەوەش بم
من ڕۆژانە
دوو شیش ووشەی شیعرم بەسە
بۆ خۆم لەسەر پشکۆی
خۆشەویستی
بیانبرژێنم و...
هەر یەکەیان
بخەمەناو
پارچە نانی خەیاڵێکی شاعیرانە و...
دوو چای دیشلەمەی بەڕەنگی
بیرەوەریەکی شیرینی
ڕۆژانێکی
نێوخەونە پەمەییەکانی
مناڵیمی بەسەرداکەم..؟!
فاتح بێ لان[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 757 times