قانتر نازێ، خوێ شین نابێ
قانتر، قاتر و ئێستریشی پێ دەڵێن، ئاژەڵێکی دوو ڕەگە له ئەنجامی پەڕینی نێرەکەر لە ماین دەکەوێتەوە، یەکێکە لە ئاژەڵە نەزۆکەکان و وەچە ناخاتەوە، بەڵام بۆ باربردن لە نێرەکەر و ئەسپ بەکێشترە بەتایبەت لەناوچە شاخاوییەکان، جگە لێرە لە زۆر شوێنیتریش ناوی خزێنراوەتە نێو ئیدیۆمەوە وەکو(کەر بچێتە بەغدا نابێتە ئێستر، لەئێستریان پرسی باوکت کێیە؟ وتی: خاڵم ئەسپە، ئێسترە ماچە، ئێستری چەموش، ئێستری بالانی...تاد)، نەزۆکی ئێستر وەک ڕووە ڕاستەقینەی ئیدیۆمەکە بەراورد کراوە بەکانزای(خوێ) نە ئێستر وەچە دەخاتەوە نە خوێ شین و دەڕوێت، ئه و دوو شتە لەگەڵ یەکدا له و ئیدیۆمەدا بەکارهاتوون بۆ شتێک کە ڕوودانیان ئەستەم بێت یان بۆ جەخت کردنەوە لەکارێک یان شتێک کە یەکجار بگوترێت هاوشێوەی ئەوەی وتراوە: یەکجار دەوترێت بەفر ساردە یان ئاگر گەرمە.[1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 344 times