ناڤ: محەمەد
ناسناڤ: ئەمینێ ئۆسمان
ناڤێ بابێ: ئۆسمان
$ژیاننانە$
زمانزان و رەوشنبیرێ کورد (ئەمینێ ئوسمان) ناڤی وی کەفتی یە دناڤ فەرهەنگا نڤیسەر و رەوشنبیرێن کورد دا، ئەوێن بوینە ژێدەرێن شۆرەشین ئەدەبیاتا کورد و کوردستانێ، ل باژێرێ #دهۆک# ژ دایک بویە، کۆلیژا شەریعێ ل بەغدا دەرباسکریە، ل ساڵا 1952ی د بیتە فەرمانبەر ل ئامادەیا پیشەسازی یا ئەلمانی، باوەرناما شارەزایی د زمانێ ئینگلیزی دا ب پلا گەلەک باش ب دەست خوڤە د ئینیت ژ پەیمانگەها ئەمریکی زمانا، هەر زوی دەست دایە نڤێسینا چیرۆک و تەمسیلی و هۆزانا. بو دەمەکی بویە بێژەر ل رادیویا کوردی ل بەغدا، پاشی د بیتە سەروکێ پشکا کوردی ل رادیویێ، ل سالا 1970 د بیتە ئەندامێ دامەزرێنەر و ئەندامێ دەستەیا رێڤەبەریێ ل ئێکەتیا نڤیسەرێن کورد و کۆمەلا رەوشنبیرێن کورد ل بەغدا، ژ بەرکو رورێ مەلەڤان بو د رێزمان و زمانی کوردی دا، سالا 1973 دهێتە ڤەگوهاستن بو پەیمانگەها ماموستایان ل #هەولێر#ێ و پشکداری د دانانا کتێبێن خواندنگەهێن سەرەتایی و ئامادەیی دا دکەتن، سەرەدانا گەلەک وەلاتێن بیانی کریە، ژ وانا (ئوستورالیا، چیکو سلۆڤاکیا، بەلجیکا، رومانیا، بلغاریا و تورکیا و ...) ل سەر ئاستێ عێراقێ و کوردستانێ هژمارەکا زورا سمینارا گێراینە و گەلەک گوتار و بەرهەمێن خوە ل گوڤار و روژنامێن کوردی و عەرەبی بەلاڤکرینە، هەژمارەکا بەرهەما ئەنجام داینە، ژوانا یێن چاپکری:
1- نان و ژیان
2- فەرهەنگا زمانێ کوردی ئەوروپی
3- ژیان و ڤیان
4- مەم و زینا خانی
5- حصاد الحنظل
6- سمفونیا سەهمێ
7- ستی و فەرخ
8- کێزا تەرەجان
ئەڤە و زێدەباری چەندین بەرهەمێن دی یێن من دیتین د کتێبخانا وی دا، وەک نڤیسین ل سەر دەرمانێن کوردی و چیرۆکێن کوردەواری و ....، هژمارەکا هوزانێن وی بوینە ستران و ب دەنگێن سترانبێژێن ناڤدار بەلاڤە بوینە، بو نموونە سترانا (کەوو ژارو بخوینە) ئەڤا بدەنگێ هونەرمەند (گولبهارێ) دناڤ بەرهەمێن خوەدا گوتین.[1]
This item has been written in (کرمانجی - کوردیی سەروو) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 1,614 times
Write your comment about this item!