گۆڕ بە گۆڕ
گۆڕ: هەڵکەندنی زەوی بە شێوەی لاکێشەیی و قوڵکردنی تا ئەندازەی بەژن و سنگ و باڵای مرۆڤێکی تەواو، لەناویدا گۆڕیچکەیەک دروست دەکرێت مردووی تێدا دەنێژرێت، لە بیروباوەڕی ئاینی ئیسلامدا مرۆڤ یەکەم شەوی دوای ناشتنی گۆڕەشار دەدرێت، کە هەردوو لای گۆڕەکە لێک دەدرێت به و کردارە دەوترێت: گۆڕەشار، هەڵبەت گۆڕەشاریش بۆ کەسی نێژراوەکە زۆر بەئازار دەبێت، ئه و حاڵەتە کراوە بە ئیدیۆم و کورد بۆ ڕق لێبونەوە و نزا و تووککردن بە کەسانی ناحەز و زۆردار و ستەمکار و چەوسێنەر و تاوانکار دەڵێن: گۆڕ بەگۆڕچێت، یان گۆڕ به گۆڕ واتە: لە گۆڕەکەی خۆیان دەربهێنرێنەوە و ئه و گۆڕ و ئه و گۆڕیان پێ بکرێت تاوەکو عەزاب و ئازار و گۆڕەشاری زیاتر ببینن. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 336 times