ناونیشانی پەڕتووک: ئایینی خۆشەویستی 3
ناوی نووسەر: #جەمال حسێن#
دەزگای پەخش: #ناوەندی غەزەلنووس#
بۆ تێگەشتن لە دنیابینيی سۆفيیەکان، دەبێ بگەڕێینەوە بۆ کەسایەتی و ژیاننامەی وەلیيەکان. ئەوانەی له یەک کاتدا هەم سۆفيی گەورە و پڕکاریگەريی ناو مێژوو بوون، هەمیش بەرجەستەکەری ناوەڕۆکی تەسەوف بوون و بەم شێوەیە ژیاون و مردوون. لە هەموويشی گرنگتر لەڕێی ئەم کەسایەتیيانەوە دەتوانین بە باشترین شێوە له دنیابینيی خودی تەسەوف تێبگەین، بۆیە ئەم کتێبەی بەردەستت مێژووی ژیاننامەی کەسه سۆفيیەکان نيیە، بەڵکو دەشێ مێژووی فيکر بێت لەڕێی کەسەکان خۆیانەوە، چونکە سۆفیيەکان لەناو مێژوودا، هیچ جیاکارییەکیان نەکردووە لەنێوان ئەوەی دەیڵێن، لەگەڵ ئه و جۆرەی تێیدا دەژین. بگرە زۆر جار بەشێوەی ژیانی خۆیان، قسەیان کردووە. بۆیە ئەگەر حیکایەت و چیرۆکەکان، سەربازەکانی خوا بن، وەکو له یەکێک له و فەرموودانەی تردا هاتووه، کە سۆفیيەکان بەردەوام دووبارەیان کردووەتەوە، ئەوا فيکر و دنیابینی و وتەزاکانی عارفان لەناو ژیاننامه و حیکایەتەکانی ئەواندا بەرجەسته دەبێ و ڕوون دەبێتەوە. لەوە ڕوونتر ئەوەیە به گەڕانەوە بۆ وتەکەی هەجویری بۆی گێڕاینەوە، سۆفیيە گەورەکانی ناو مێژوو، بیرمەند و فەیلەسووف و زانا نەبوون، بایەخی ئەوان تیۆری نەبووە، بەڵکو به پلەی یەکەم ئەوانە بڕوا بوون بە کۆمەڵێک پرنسیپ و بیرۆکه و فيکر، که پێی ژیاون و بۆی ژیاون و زۆر جار به و هۆیەشەوە کوژراون (وەکو حەلاج و هەمەدانيی ناو ئەم کتێبە). کەواتە ئەم کتێبە هەوڵێکە بۆ گەڕانەوە بۆ سەردەم و فيکر و دنیابینيی پێنج کەسایەتيی گەورەی دنیای تەسەوفی ئیسلامی، که هەریەکەیان بەشێوەیەک له شێوەکان کاریگەريی ڕاستەوخۆیان داناوە لەسەر عیرفان و فيکری ئیسلامی.[1]
Note: The PDF file for this book is not available, please help Kurdipedia to get this file! Send book This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 349 times
Write your comment about this item!